ທິວທັດທຳມະຊາດຂອງໄອຊ໌ແລນ ປະເທດເກາະໃນເອີຣົບເໜືອ
BLOG

ໄອຊ໌ແລນ (Iceland) ບໍ່ແມ່ນ ໄອແລນ (Ireland)

ນັກຂຽນຮັບເຊີນ

ໄອຊ໌ແລນ (Iceland) ບໍ່ແມ່ນ ໄອແລນ (Ireland)

ມີຫຼາຍຄົນສັບສົນກັບ2ປະເທດນີ້ ມື້ນີ້ພວກເຮົາຈະມາເບິ່ງຄວາມແຕກຕ່າງຂອງ2ປະເທດນີ້ ສອງປະເທດນີ້ມີການອອກສຽງຄ້າຍຄືກັນ ຄື ໄອແລນ (Ireland) ອອກສຽງຄືກັບ ‘eye-land’ ສ່ວນໄອຊ໌ແລນ (Iceland) ຕ້ອງອອກສຽງ ‘s’ ຕົງຄຳວ່າ ‘ໄອຊ໌’ ທັງສອງປະເທດເປັນເກາະຄືກັນ

ສາທາລະນະລັດໄອແລນນັບເປັນສະມາຊິກທີ່ຢູ່ໄກສຸດທາງທິດຕາເວັນຕົກຂອງສະຫະພາບເອີຣົບ ມີປະຊາກອນ 4 ລ້ານກວ່າຄົນ ເປັນປະເທດເທິງເກາະໄອແລນ ຢູ່ຫ່າງຈາກທະວີບເອີຣົບໄປທາງທິດຕາເວັນຕົກສ່ຽງເໜືອ

ໄອຊ໌ແລນເປັນປະເທດນໍດິກໃນເອີຣົບເໜືອ ຕັ້ງຢູ່ເທິງເກາະໃນມະຫາສະໝຸດແອັດລັນຕິກເໜືອ ລະຫວ່າງກຣີນແລນ ນອກແວ ແລະ ສະຫະລາຊະອານາຈັກ ມີນະຄອນຫຼວງຄືເຣຢາວິກ ໄອຊ໌ແລນມີປະຊາກອນປະມານສາມແສນຫ້າໝື່ນກວ່າຄົນ

**ເອົາເປັນວ່າຈື່ງ່າຍໆ ໄອແລນບໍ່ມີແສງເໜືອ ແຕ່ໄອຊ໌ແລນມີແສງເໜືອ ໄອແລນຕິດອັງກິດ ໄອຊ໌ແລນບໍ່ຕິດອັງກິດ**

ຜູ້ອົບພະຍົບມອງວ່າໄອຊ໌ແລນເປັນປະເທດທີ່ໃຫ້ການຕ້ອນຮັບຫຼາຍທີ່ສຸດໃນໂລກ ລາຍງານຂອງ UN ລະບຸວ່າໄອຊ໌ແລນມອບສິດທິປະໂຫຍດຫຼາຍຢ່າງ ເຊັ່ນ ການຈ້າງງານ ແລະ ຄວາມປອດໄພ ມີການສຳຫຼວດ 117 ປະເທດລະຫວ່າງປີ 2005 - 2017 ແຕ່ສິ່ງທີ່ຜູ້ອົບພະຍົບມັກຫຼາຍທີ່ສຸດ ແລະ ນ້ອຍທີ່ສຸດກ່ຽວກັບຊີວິດໃນໄອຊ໌ແລນຄືຫຍັງ ?

“ບໍ່ມີການເລືອກປະຕິບັດດ້ານອາຍຸ ເຊື້ອຊາດ ຫຼື ເພດ ທ່ານເຮັດຫຍັງກໍໄດ້ທີ່ຢາກເຮັດ ສິ່ງທີ່ທ່ານຝັນຢາກຈະເຮັດ ບໍ່ມີຂໍ້ຈຳກັດ”

“ນັບເປັນໜຶ່ງໃນບ່ອນສຸດທ້າຍຂອງໂລກທີ່ທ່ານເຫັນເດັກນ້ອຍແລ່ນຫຼິ້ນໃນເວລາ4ທຸ່ມໃນຊ່ວງລະດູຮ້ອນ ໂດຍບໍ່ມີໃຜກັງວົນ ເພາະເດັກນ້ອຍຈະປອດໄພ ແລະ ມ່ວນຊື່ນ”

ທີ່ມາ BBC NEWS ໄທ


ວາງແຜນທ່ຽວເອງກໍສະດວກ

ສິ່ງທີ່ຄົນໄປທ່ຽວເອງມັກຕ້ອງຈອງກ່ອນເດີນທາງ ພວກເຮົາຄັດຜູ້ໃຫ້ບໍລິການທີ່ໃຊ້ໄດ້ແທ້ໄວ້ໃຫ້

ລິ້ງພັນທະມິດ · ພວກເຮົາອາດໄດ້ຄ່າຕອບແທນເລັກນ້ອຍເມື່ອທ່ານຈອງ ໂດຍລາຄາຂອງທ່ານບໍ່ປ່ຽນ

ຢາກໄປແບບນີ້ແດ່?

ໃຫ້ຣິນອອກແບບທຣິບໃຫ້ຄະນະຂອງທ່ານ