ຂົວໄມ້ Chapel Bridge ເມືອງລູເຊີນ ທ່າມກາງຫິມະໃນລະດູໜາວ ສະວິດເຊີແລນ ຮູບ: Pixabay / ewirz
RIN'S REVIEW

ຣິນພາໜີໜາວໄປສຳຜັດຄວາມຟິນທີ່ "ລູເຊີນ" (Lucerne) ໃນລະດູໜາວ ດິນແດນທີ່ຄືກັບຫຼຸດອອກມາຈາກນິທານ

ຣິນລີວິວ ໂດຍ ຣິນ

ຣິນພາໜີໜາວໄປສຳຜັດຄວາມຟິນທີ່ "ລູເຊີນ" (Lucerne) ໃນລະດູໜາວ ດິນແດນທີ່ຄືກັບຫຼຸດອອກມາຈາກນິທານ

ຣິນພາໜີໜາວໄປສຳຜັດຄວາມຟິນທີ່ "ລູເຊີນ" (Lucerne) ໃນລະດູໜາວ ດິນແດນທີ່ຄືກັບຫຼຸດອອກມາຈາກນິທານ

ຖ້າທ່ານໄດ້ມາຢ້ຽມຢາມ "ລູເຊີນ" ໃນລະດູໜາວ ຄວາມຄິດຂອງທ່ານຈະປ່ຽນໄປທັນທີ ເພາະທີ່ນີ້ບໍ່ໄດ້ມີພຽງພູເຂົາຫິມະ ແຕ່ເຕັມໄປດ້ວຍເສນ່ຫ໌ຂອງເມືອງເກົ່າ ບັນຍາກາດສຸດໂຣແມນຕິກ ແລະ ກິດຈະກຳທີ່ເຮັດໄດ້ສະເພາະຊ່ວງເວລານີ້ເທົ່ານັ້ນ

ເປັນຫຍັງຕ້ອງ "ລູເຊີນ" ໃນລະດູໜາວ

ລູເຊີນມີອຸນຫະພູມສະເລ່ຍປະມານ 4 ອົງສາເຊ ເຊິ່ງຖືວ່າບໍ່ໜາວຈັດເກີນໄປ ແລະ ທະເລສາບກໍບໍ່ໄດ້ກາຍເປັນນ້ຳກ້ອນ ເຮັດໃຫ້ບັນຍາກາດງາມ ແລະ ມີຄວາມລຶກລັບໜ້າຄົ້ນຫາ

ຊົມວິວຂົວໄມ້ Chapel Bridge ພາບຂົວໄມ້ທີ່ເປັນສັນຍາລັກຂອງເມືອງ ທ່າມກາງຫິມະສີຂາວສະອາດຕາ ແມ່ນໄຮໄລທ໌ທີ່ຕ້ອງເກັບພາບ

ຍ່າງຫຼິ້ນຕາມຝັ່ງທະເລສາບ ບັນຍາກາດຕອນເຊົ້າທີ່ມີໝອກບາງໆເໜືອທະເລສາບລູເຊີນ ເປັນຄວາມຮູ້ສຶກທີ່ພິເສດແທ້ໆ

ເທດສະການແສງໄຟ LiLu Light Festival ໃນເດືອນມັງກອນ ທັງເມືອງຈະສະຫວ່າງໄສວດ້ວຍສິລະປະການຈັດແສງໄຟຕາມໂບດ ແລະ ອາຄານຕ່າງໆ ງາມຄືກັບຫຼຸດເຂົ້າໄປໃນໂລກແຟນຕາຊີ

ຕະຫຼາດຄຣິດສະມັດແບບຄລາສສິກ ຖ້າມາຊ່ວງເດືອນທັນວາ ຢ່າພາດຕະຫຼາດຄຣິດສະມັດທີ່ຈັດຕຸລັດ Franziskanerplatz ທີ່ຕົກແຕ່ງດ້ວຍກະຕູບໄມ້ສຸດນ່າຮັກ

ຝອງດູ (Fondue) ແລະ ຣາເຄຼັດ (Raclette) ມາຮອດຖິ່ນແລ້ວຕ້ອງລອງ ການນັ່ງກິນຊີສຮ້ອນໆທ່າມກາງອາກາດໜາວແມ່ນຄວາມແຊບທີ່ສຸດ

ຣິນພາໜີໜາວໄປສຳຜັດຄວາມຟິນທີ່ "ລູເຊີນ" (Lucerne) ໃນລະດູໜາວ ດິນແດນທີ່ຄືກັບຫຼຸດອອກມາຈາກນິທານ

ກິດຈະກຳສຳລັບສາຍລຸຍ ແລະ ສາຍຊິວ

ສາຍສະກີ ແນະນຳໃຫ້ໄປທີ່ Mt. Titlis (ນັ່ງລົດໄຟຈາກລູເຊີນພຽງ 45 ນາທີ) ທີ່ນີ້ມີລານສະກີໃຫ້ຫຼິ້ນຈຸໃຈ ແລະ ຍັງມີກະເບັນຄາແບບໝູນໄດ້ແຫ່ງທຳອິດຂອງໂລກ

ສາຍຊົມວິວ ຕ້ອງຂຶ້ນໄປທີ່ Mt. Rigi (ລາຊິນີແຫ່ງພູເຂົາ) ຫຼື Mt. Pilatus ເພື່ອສຳຜັດທະເລໝອກ ແລະ ວິວພູເຂົາທີ່ງາມເກີນບັນຍາຍ

ສາຍກິດຈະກຳໃນເມືອງ ໄປຫຼິ້ນໄອສ໌ສະເກັດໜ້າສູນວັດທະນະທຳ KKL ທີ່ມາພ້ອມວິວທະເລສາບ ແລະ ເປີດໃຫ້ຫຼິ້ນຟຣີ

ຣິນພາໜີໜາວໄປສຳຜັດຄວາມຟິນທີ່ "ລູເຊີນ" (Lucerne) ໃນລະດູໜາວ ດິນແດນທີ່ຄືກັບຫຼຸດອອກມາຈາກນິທານ

ເຕັກນິກການທ່ຽວໃຫ້ຄຸ້ມ

Swiss Travel Pass ໄອເທັມທີ່ຕ້ອງມີ ສຳລັບນັກທ່ອງທ່ຽວຕ່າງຊາດ ໃຊ້ເດີນທາງໄດ້ທັງລົດໄຟ ລົດເມ ແລະ ເຮືອ ແບບບໍ່ຈຳກັດ

Guest Card ຖ້າທ່ານພັກຄ້າງຄືນໃນໂຮງແຮມທີ່ລູເຊີນ ຈະໄດ້ຮັບບັດ Guest Card ເຊິ່ງໃຊ້ຂຶ້ນລົດເມ ແລະ ລົດໄຟໃນໂຊນທີ່ກຳນົດໄດ້ຟຣີ ແຖມຍັງໄດ້ສ່ວນຫຼຸດຄ່າເຂົ້າຊົມສະຖານທີ່ຕ່າງໆອີກດ້ວຍ

Museum Card ຖ້າທ່ານເປັນສາຍພິພິດທະພັນ ບັດນີ້ລາຄາພຽງ 39 CHF ເຂົ້າໄດ້ເຖິງ 10 ແຫ່ງ ລວມທັງ Swiss Museum of Transport ທີ່ດັງທີ່ສຸດໃນສະວິດເຊີແລນນຳເດີ້

ຣິນພາໜີໜາວໄປສຳຜັດຄວາມຟິນທີ່ "ລູເຊີນ" (Lucerne) ໃນລະດູໜາວ ດິນແດນທີ່ຄືກັບຫຼຸດອອກມາຈາກນິທານ

Photo: ຣິນກັບຕົວແທນ Lake Lucern
ການເດີນທາງມາລູເຊີນ

ການເດີນທາງສະດວກຫຼາຍ ລູເຊີນຕັ້ງຢູ່ໃຈກາງສະວິດເຊີແລນ ມີລົດໄຟຕົງຈາກສະໜາມບິນຊູຣິກ ໃຊ້ເວລາເດີນທາງພຽງ 1 ຊົ່ວໂມງເທົ່ານັ້ນ

ລະດູໜາວນີ້ ໃຜຍັງບໍ່ມີແຜນ ລອງປັກໝຸດທີ່ "ລູເຊີນ" ເບິ່ງສັກເທື່ອ ແລ້ວທ່ານຈະຫຼົງຮັກຄວາມໜາວທີ່ແສນອົບອຸ່ນໃຈຂອງທີ່ນີ້ແນ່ນອນ

ຣິນພາໜີໜາວໄປສຳຜັດຄວາມຟິນທີ່ "ລູເຊີນ" (Lucerne) ໃນລະດູໜາວ ດິນແດນທີ່ຄືກັບຫຼຸດອອກມາຈາກນິທານ

Photo: ຣິນກັບຕົວແທນ Lake Lucern

ຂໍ້ມູນເພີ່ມເຕີມ ຢ່າລືມກວດຕາຕະລາງກິດຈະກຳຕ່າງໆ ເຊັ່ນ ເທດສະການດົນຕີ ຫຼື ຕະຫຼາດຄຣິດສະມັດລ່ວງໜ້າຜ່ານເວັບໄຊທາງການຂອງ Lucerne Tourism ທີ່ www.luzern.com

ຖ້າທ່ານຮູ້ສຶກວ່າການຂັບລົດທ່ຽວເອງໃນສະວິດເຊີແລນອາດເປັນເລື່ອງທ້າທາຍ ຫຼື ຢາກເອນຫຼັງພັກຜ່ອນ ຊົມວິວງາມໆໄດ້ຢ່າງເຕັມທີ່ໂດຍບໍ່ຕ້ອງກັງວົນເລື່ອງເສັ້ນທາງ

ການໃຊ້ບໍລິການ "ລົດຕູ້ພ້ອມຄົນຂັບ" ກັບ See You Again ແມ່ນທາງເລືອກທີ່ຕອບໂຈດ ແລະ ໃຫ້ຄວາມສະດວກສະບາຍທີ່ເໜືອກວ່າ

ວາງແຜນທ່ຽວເອງກໍສະດວກ

ສິ່ງທີ່ຄົນໄປທ່ຽວເອງມັກຕ້ອງຈອງກ່ອນເດີນທາງ ພວກເຮົາຄັດຜູ້ໃຫ້ບໍລິການທີ່ໃຊ້ໄດ້ແທ້ໄວ້ໃຫ້

ລິ້ງພັນທະມິດ · ພວກເຮົາອາດໄດ້ຄ່າຕອບແທນເລັກນ້ອຍເມື່ອທ່ານຈອງ ໂດຍລາຄາຂອງທ່ານບໍ່ປ່ຽນ

ຢາກໄປແບບນີ້ແດ່?

ໃຫ້ຣິນອອກແບບທຣິບໃຫ້ຄະນະຂອງທ່ານ

ບໍລິການທີ່ກ່ຽວຂ້ອງກັບທຣິບນີ້