ເມືອງໜ້າທ່ຽວໃນສະເປນ

ສະບາຍດີເດີ້ ມື້ນີ້ ອາສາ ຈະພາມາຮູ້ຈັກປະເທດສະເປນໃຫ້ຫຼາຍຂຶ້ນ ເພາະໝູ່ເພື່ອນຫຼາຍຄົນ ເວລາວາງແຜນມາທ່ຽວເອີຣົບ ອາດຈະມອງຂ້າມ Spain ໄປ ທັງທີ່ປະເທດນີ້ມີຫຼາຍຢ່າງທີ່ທ່ານຄວນເລືອກມາທ່ຽວ ໄປເບິ່ງກັນເນາະວ່າມີຫຍັງພິເສດແດ່ ເມືອງທີ່ຢາກແນະນຳມີຫຼາຍເມືອງ ແຕ່ມື້ນີ້ຂໍແນະນຳ 2 ເມືອງກ່ອນເດີ້

ຫຼາຍກວ່າ 65 ລ້ານນັກທ່ອງທ່ຽວທົ່ວໂລກ ເລືອກມາໃຊ້ຈ່າຍວັນພັກຜ່ອນບໍ່ເທົ່າໃດມື້ໃນແຕ່ລະປີ. ເຫດຜົນທຳອິດຄືພູມສັນຖານ ແລະຄວາມຫຼາກຫຼາຍທາງວັດທະນະທຳ: ມີແມ່ນ້ຳ ທະເລສາບ ຮ່ອມພູ, ໝູ່ເກາະ, ປ່າໄມ້ກວ້າງໃຫຍ່ ແລະຫາດຊາຍຂາວ ກັບຫາດຊາຍສີທອງນ້ອຍໆທີ່ເຊື່ອງຢູ່ໃນອ່າວ ຫາດຊາຍທີ່ອ້ອມຮອບດ້ວຍປ່າໄມ້ແລະສີຂຽວ ... ທ່ານສາມາດເພີດເພີນກັບ Costa Brava, Costa Blanca, ຫາດຂອງ Cabo de Gata, ປ່າຊາຍຝັ່ງທາງພາກເໜືອ ຫຼື Costa del Sol .. ທີ່ສຳຄັນ ການບໍລິການດ້ານໂຮງແຮມ-ອຸດສາຫະກຳ ຖືວ່າຍອດຢ້ຽມໃນເອີຣົບເຊັ່ນກັນ. ສ່ວນປະຫວັດສາດ ແລະອະນຸສາວະລີມໍລະດົກເກົ່າແກ່ ວັດທະນະທຳ ປະຫວັດສາດ ແລະອະນຸສາວະລີ ຫຼອມລວມກັນເປັນສິ່ງທີ່ຫາຍາກຫຼາຍໃນປະເທດອື່ນໆຂອງໂລກນີ້ ເວົ້າໄດ້ວ່າມີທີ່ນີ້ທີ່ດຽວ ມີຫຼາກຫຼາຍ ເຊັ່ນ La Granja de San Ildefonso ໃນ Segovia; ມະຫາວິຫານເຊັ່ນ Burgos ຫຼື Santiago de Compostela; ປາສາດຍຸກກາງເຊັ່ນ Xàtiva; ຊາກປັກຫັກພັງໂຣມັນເຊັ່ນຂອງ Mérida; ສ່ວນອາຫານສະເປນ ເປັນແນວລົດເຂັ້ມຂຸ້ນ ແຕ່ບໍ່ເຜັດຄືຢູ່ບ້ານເຮົາ ດ້ວຍສ່ວນປະສົມທີ່ລົງຕົວ ແຊບຫຼາຍເດີ້ ຢ່າງເຊັ່ນ ໄຂ່ຝຽວມັນຝຣັ່ງ, ແຮມ Iberian, Paella ສຸກ, fabada, salmorejo ຄືລອງໝົດແລ້ວ... ຂໍຢືນຢັນຄວາມແຊບເດີ້ ຈາກປະສົບການ ຕ້ອຍ ມີໂອກາດເດີນທາງໄປທ່ຽວຫຼາຍປະເທດ ຮູ້ເລີຍວ່າອາຫານສະເປນ ມີລົດຊາດໃກ້ຄຽງກັບບ້ານເຮົາທີ່ສຸດ ແຖມບໍ່ເຜືອດ ສ່ວນອາຫານທະເລກໍສົດຫຼາຍ ເພາະປະເທດນີ້ມີທະເລທຸກພາກ ແລ້ວທ່ານກໍສາມາດລົງຫຼິ້ນນ້ຳທະເລໄດ້ແທ້ໆ ເຖິງແມ່ນວ່າປະເທດອື່ນຈະມີທະເລ ແຕ່ເປັນທະເລທີ່ໄດ້ແຕ່ເບິ່ງ ລົງຫຼິ້ນບໍ່ໄດ້ ກໍມີໃນເອີຣົບ. ໄຮໄລທ໌ທີ່ສ່ວນຕົວມັກຫຼາຍຄື ຄຸນນະພາບຂອງໄວນ໌ດີໆ ແລະຊີສແຊບໆ ທີ່ບໍ່ແພງ ຄວນຊື້ກັບບ້ານເວລາມາທີ່ນີ້

ຈຸດເດັ່ນທີ່ສຸດນ່າຈະເປັນສະພາບອາກາດທີ່ເດັ່ນກວ່າປະເທດໃດໆ ເພາະສະເປນຕິດກັບທະເລເມດິເຕີເຣນຽນ ເຮັດໃຫ້ແຫ້ງໃນລະດູຮ້ອນ ໄລຍະເວລາສັ້ນໆທີ່ຮ້ອນພຽງແຕ່ເດືອນ ກໍລະກົດ-ສິງຫາ ເທົ່ານັ້ນ ແລະໃນລະດູໜາວກໍມີອຸນຫະພູມສົມດຸນ, ທ່ານສາມາດເພີດເພີນກັບອາກາດທີ່ມີແສງແດດດີຫຼາຍກວ່າ 3,000 ຊົ່ວໂມງຕໍ່ປີ. ຈຶ່ງບໍ່ແປກໃຈທີ່ມີນັກທ່ອງທ່ຽວມາທີ່ນີ້ຫຼາຍຫຼາຍ ເຊິ່ງນີ້ເປັນໜຶ່ງໃນບ່ອນທີ່ອົບອຸ່ນທີ່ສຸດໃນເອີຣົບ.

ມາດ໌ຣິດ

ນະຄອນຫຼວງຂອງສະເປນ ມີປະຊາກອນຫຼາຍທີ່ສຸດໃນປະເທດ. ແຕ່ຂໍບອກວ່າ ເຖິງຈະເປັນນະຄອນຫຼວງ ມາດ໌ຣິດກໍຖືໄດ້ວ່າເປັນເມືອງທີ່ຮັກສາພື້ນທີ່ສີຂຽວໄວ້ໄດ້ດີຫຼາຍ ມີຕົ້ນໄມ້ຕໍ່ປະຊາກອນຫຼາຍທີ່ສຸດ ແລ້ວສຳລັບຜູ້ທີ່ມັກ ບານເຕະ ທີ່ນີ້ທ່ານຈະພົບ Santiago Bernabéu ເປັນສະໜາມບານເຕະທີ່ດີທີ່ສຸດໃນໂລກ ທີ່ຫຼິ້ນລີກ La Liga ທີ່ແຟນໆຊາວໄທຮູ້ຈັກໃນນາມ Real Madrid CF ແອບໄປແນມລາຄາຊຸດນັກເຕະມາ ເພາະເຫັນເພິ່ນມັກກັນ ຂໍບອກວ່າ ລາຄາແພງຫຼາຍເດີ້ ເກັບເງິນໄວ້ໄປທ່ຽວເບິ່ງຢ່າງອື່ນຕໍ່ດີກວ່າ ອິອິ

ອີກຢ່າງໜຶ່ງທີ່ຄວນໄປຊົມ ຄື Plaza Mayor: ສະຖານທີ່ທີ່ມີຊື່ສຽງທີ່ສຸດໃນມາດ໌ຣິດ: ທີ່ມີຮູບໝີກັບຕົ້ນ madroño ເປັນສັນຍາລັກຂອງເມືອງ ເປັນຈຸດສູນກາງ, ມີລະຄັງໂມງຢູ່ທີ່ນີ້ ພິພິທະພັນ Prado ກໍເປັນອີກແຫ່ງໜຶ່ງທີ່ສຳຄັນເຊັ່ນກັນ ເອີ້ນໄດ້ວ່າເປັນຖະໜົນທີ່ມີຊື່ສຽງທີ່ສຸດໃນມາດ໌ຣິດ ແລະມີພະລາຊະວັງທີ່ໃຊ້ເປັນທີ່ປະທັບຢູ່ຈິງຢ່າງເປັນທາງການຂອງລາຊະວົງໜຶ່ງ ທີ່ໜ້າຕື່ນເຕັ້ນທີ່ສຸດ ເພາະເປັນພະລາຊະວັງທີ່ທ່ານສາມາດເຂົ້າຊົມພາຍໃນໄດ້ໃນເອີຣົບ, ແລະ Retiro ກໍເປັນສວນສາທາລະນະທີ່ສວຍງາມໃນມາດ໌ຣິດ ທີ່ເຮົາຈະພົບຫຸ່ນສະແດງ ດົນຕີ ໝໍດູ ແລະອື່ນໆອີກຫຼາຍ.
ແລະສຳລັບການມາເມືອງນີ້ ສະດວກສະບາຍຫຼາຍ ເພາະມີສະໜາມບິນໃຫຍ່ ມີສາຍການບິນຫຼາຍ ມີການຄົມມະນາຄົມເຊື່ອມຕໍ່ທົ່ວເຖິງຫຼາຍ ທ່ານສາມາດຕໍ່ເຮືອບິນ ຫຼືລົດ ໄປຍັງປະເທດອື່ນລວມເຖິງເມືອງອື່ນໆໄດ້ສະບາຍຫຼາຍ ເພາະເປັນຈຸດສູນລວມ

ວາເລັນເຊຍ

ດ້ວຍສະພາບອາກາດທີ່ພິເສດຕະຫຼອດປີ ຈຶ່ງເປັນສະຖານທີ່ໂປດຂອງນັກທ່ອງທ່ຽວຈຳນວນຫຼາຍທົ່ວໂລກ ທີ່ຢາກມາສຳຜັດຄວາມອົບອຸ່ນຂອງທະເລເມດິເຕີເຣນຽນ ຢ່າງທີ່ກ່າວມາຂ້າງເທິງ ທີ່ນີ້ຫາດງາມຫຼາຍ ແຖມເປັນເມືອງແຫ່ງສິລະປະ ແລະວິທະຍາສາດ ທີ່ສຳຄັນ ໃນວາເລັນເຊຍ ຍັງມີສະຖາປັດຕະຍະກຳທາງວັດທະນະທຳ ແລະຄວາມບັນເທີງທີ່ຊັບຊ້ອນ ເມືອງນີ້ມີຈັດຕຸລັດທີ່ເປັນໜຶ່ງໃນໃຈກາງຂອງຄວາມໜ້າສົນໃຈ ມີວົງກົມນ້ຳພຸງາມໆ ມີດອກໄມ້ງາມໆ ດອກໄມ້ຂອງເມືອງນີ້ຖືວ່າເປັນພະເອກຂອງສວນເລີຍເດີ້ ແຕ່ທ່ານຈະເຫັນຄວາມງາມທີ່ຫຼາກຫຼາຍກວ່ານັ້ນ ຖ້າມາທີ່ນີ້ ຂໍເນັ້ນເດີ້ ເພາະພວກເຮົາໄປທ່ຽວກໍຢາກເຫັນສິ່ງງາມໆ ບັນຍາກາດດີໆ ແຖມອາຫານແຊບຖືກປາກ ຄືມັນຈະເພີດເພີນຫຼາຍ ຢາກບອກວ່າມັກ ອາຫານທະເລຂອງທີ່ນີ້ສົດແຊບຫຼາຍ ເຊິ່ງວິທີປຸງອາຫານຂອງເພິ່ນກໍແນວທຳມະຊາດແທ້ໆ ຈະເປັນແນວໃດທ່ານຈະໄດ້ພົບທີ່ນີ້ແຫຼະເດີ້ ແຖມວິທີກິນແບບຂອງບາເລນເຊຍນຳເດີ້ ອ້ອ ສິ່ງທີ່ຫ້າມພາດແມ່ນຕ້ອງໄດ້ລອງ Paella ທີ່ມີຊື່ສຽງ Paella valenciana ຢູ່ຕາມຝັ່ງຫາດເດີ້

ອີກແຫ່ງທີ່ມີຊື່ສຽງທີ່ສຸດຄື Malvarrosa ຫາດທີ່ມີຊາຍງາມ ແລ້ວຍ່າງຫຼິ້ນທ່ຽວຊົມຕະຫຼາດຕາມຫາດ ຫຼືເອີ້ນວ່າຖະໜົນຄົນຍ່າງຕາມຝັ່ງທະເລ ມີສະຖາປັດຕະຍະກຳແລະຜະລິດຕະພັນທີ່ດີທີ່ສຸດຂອງທະເລເມດິເຕີເຣນຽນແຫ່ງວາເລັນເຊຍ ສ່ວນການເດີນທາງກໍງ່າຍເດີ້ ເດີນທາງຕໍ່ມາຈາກມາດ໌ຣິດໄດ້ເລີຍ ມີລົດເມ ລົດໄຟ ລວມເຖິງເຮືອບິນ ມາຮອດເມືອງນີ້ ຫຼືທ່ານຈະເຊົ່າລົດມາ ຫຼືຖ້າມາເປັນກຸ່ມ ຢາກໄດ້ການບໍລິການແບບເປັນກັນເອງຂອງຄົນທີ່ຢູ່ສະເປນ ພາທ່ຽວແບບກັນເອງ ຕິດຕໍ່ໄດ້ຕາມທີ່ຢູ່ດ້ານລຸ່ມນີ້ເດີ້

https://www.facebook.com/netnapa.net/

ຈອງໂຮງແຮມ