ທ່ຽວສະວິດເຊີແລນ ທົວລົດໄຟ Glacier Express ແບບສ່ວນຕົວ

ທ່ຽວສະວິດ ທົວລົດໄຟ Glacier Express ແບບສ່ວນຕົວ

Glacier ແມ່ນ ລົດໄຟສາຍ Glacier Express (Glacier Express, GEX) ເປັນລົດໄຟທ່ອງທ່ຽວເຊື່ອມຕໍ່ລະຫວ່າງສອງເມືອງຕາກອາກາດຫຼັກຂອງສະວິດເຊີແລນ

ໄດ້ແກ່ ເມືອງ Zermatt ແລະ ເມືອງ St. Moriz ຄ່າປີ້ ລາຄາ 153 CHF ສຳລັບ 2nd class Zermat - St. Moritz (ຕົ້ນທາງໄປປາຍທາງ)

ຂະບວນລົດແບ່ງບ່ອນນັ່ງອອກເປັນຊັ້ນໜຶ່ງ ແລະ ຊັ້ນສອງ ການຊື້ປີ້ແບບຈອງບ່ອນນັ່ງລ່ວງໜ້າຄວນເຮັດຢ່າງໜ້ອຍສອງເດືອນກ່ອນເດີນທາງ

ການເດີນທາງຈະຜ່ານເມືອງ Andermatt ໃນສາຍພູ Swiss Alps ຕອນກາງ ເສັ້ນທາງມີຄວາມຍາວ 291 ກິໂລແມັດ ຜ່ານຂົວ 291 ແຫ່ງ ແລະ ອຸໂມງ 91 ແຫ່ງ

ການເດີນທາງ ເມືອງ Zermatt ຈະເລີ່ມຂຶ້ນບໍລິເວນ Mattertal ທີ່ລະດັບຄວາມສູງ 1,606 ແມັດເໜືອລະດັບນ້ຳທະເລ 
ຜ່ານອຸໂມງ Furka ເຊິ່ງມີຄວາມຍາວເຖິງ 15.4 ກິໂລແມັດ ເພື່ອຂ້າມຊ່ອງພູ Furka ທີ່ລະດັບຄວາມສູງ 1,500 ແມັດ

ຈາກນັ້ນລົດໄຟຈະຈອດຊົ່ວຄາວທີ່ຊ່ອງພູ Oberalp ທີ່ຄວາມສູງ 2,033 ແມັດ  ຈາກນັ້ນຈຶ່ງຫຼຸດລະດັບລົງມາຍັງຈຸດຕ່ຳສຸດຂອງເສັ້ນທາງທີ່ເມືອງ Chur ທີ່ຄວາມສູງ 585 ແມັດ 

ເມື່ອພົ້ນເມືອງ Chur ລົດໄຟຈະເລີ່ມໄຕ່ລະດັບອີກຄັ້ງເພື່ອຂຶ້ນໄປຍັງ St. Moritz ໃນຮ່ອມພູດ້ານທິດໃຕ້  

ເຖິງແມ່ນວ່າຈະມີຄຳວ່າ Express ແຕ່ລົດໄຟນີ້ກັບບໍ່ແມ່ນລົດໄຟດ່ວນໃນແງ່ຂອງຄວາມໄວ, ກົງກັນຂ້າມ ເປັນລົດໄຟທີ່ຕ້ອງໃຊ້ໄລຍະເວລາເດີນທາງດົນເຖິງແປດຊົ່ວໂມງ ຖືວ່າເປັນລົດໄຟດ່ວນທີ່ຊ້າທີ່ສຸດໃນໂລກ

Glacier Express ເປີດໃຫ້ບໍລິການເມື່ອວັນທີ 25 ມິຖຸນາ ຄ.ສ. 1930 ຊື່ #Glacier ສື່ເຖິງທານນ້ຳກ້ອນ Rhone ໃນຊ່ອງພູ Furka  ໃນລະດູໜາວຈະມີໃຫ້ບໍລິການຖ້ຽວລະມື້ຈາກຕົ້ນທາງ ແລະ ປາຍທາງ ສ່ວນໃນລະດູອື່ນຈະມີຫຼາກຫຼາຍຖ້ຽວຕ່າງກັນໄປຕາມເສັ້ນທາງ

ຫາກທ່ານກຳລັງຊອກຫາວິທີທີ່ຜ່ອນຄາຍໃນການໃຊ້ເວລາຊ່ວງທ້າຍອາທິດ ແຕ່ຍັງຄົງເດີນທາງທ່ອງທ່ຽວທີ່ມີທິວທັດງາມ ຄວນພິຈາລະນາການຜະຈົນໄພດ້ວຍລົດໄຟສະວິດສຸດຄລາສສິກເທິງ Glacier Express ອັນໂດ່ງດັງ ນີ້ໄດ້ເລີຍ 

ເຖິງແມ່ນວ່າປີ້ສຳລັບລົດ "ພາໂນຣາມິກ" ແບບພິເສດອາດສູງຊັນໃນບາງຄັ້ງ ທ່ານສາມາດຊອກຫາຕົວເລືອກທີ່ບໍ່ແພງຫຼາຍເທິງລົດໄຟ "ທຳມະດາ" ເຊິ່ງຕິດຢູ່ກັບລົດໄຟຂະບວນດຽວກັນ ແລະ ຊົມທິວທັດອັນຕາຕື່ນໃຈເຊັ່ນດຽວກັບລົດໄຟແບບ "ພາໂນຣາມາ"

ຂໍ້ແຕກຕ່າງພຽງຢ່າງດຽວແມ່ນ ຕູ້ແບບພາໂນຣາມາ ຈະມີປ່ອງຢ້ຽມທີ່ໂຄ້ງເໜືອແນວຫຼັງຄາເລັກນ້ອຍ ເຊິ່ງຊ່ວຍໃຫ້ທ່ານແນມເຫັນໄດ້ໂດຍກົງ ຫາກທ່ານຕ້ອງການເຫັນຍອດພູທີ່ທ່ານກຳລັງຜ່ານແທ້ໆ ແຕ່ລາຄາກໍແພງແດ່

ເຕັກນິກ ແມ່ນ ຊື້ປີ້ປົກກະຕິ ແລ້ວອັບເກຣດພຽງສ່ວນໜຶ່ງຂອງການເດີນທາງລະຫວ່າງ 2 ເມືອງ ເພື່ອໃຫ້ຍັງຄົງໄດ້ລອງລົດພາໂນຣາມາ ເພື່ອເປັນສ່ວນໜຶ່ງຂອງການເດີນທາງ

Glacier Express ເປັນໜຶ່ງໃນລົດໄຟທ່ອງທ່ຽວທີ່ມີຊື່ສຽງທີ່ສຸດໃນໂລກ ແລະ ຂ້າມພູມສັນຖານທີ່ໜ້າຕື່ນຕາຕື່ນໃຈຜ່ານສາຍພູແອວປ໌ ເຮັດໃຫ້ໄດ້ຊົມສ່ວນທີ່ງາມທີ່ສຸດຂອງສະວິດເຊີແລນ (ແລະ ອິຕາລີເປັນສ່ວນເສີມ)  ທິວທັດນັ້ນໜ້າທຶ່ງຫຼາຍບໍ່ວ່າທ່ານຈະເລືອກລະດູໃດ ຍົກເວັ້ນມື້ໃດ ໝອກລົງໜາ ບໍ່ມີແສງແດດ ກໍຈະທິວທັດມືດ ແນມບໍ່ຄ່ອຍເຫັນຫຍັງ 

ມີຕົວເລືອກຫຼວງຫຼາຍ ແລະ ຫຼາຍເມືອງທີ່ສາມາດຂຶ້ນລົດໄຟໄດ້ ການເດີນທາງ 300 ກມ. ເຕັມເວລາ ໃຊ້ເວລາປະມານ 7.5 ຊົ່ວໂມງ ເລີ່ມຈາກ Zermatt ໄປຈົບ St. Moritz (ຫຼື ກົງກັນຂ້າມ) 

ດັ່ງທີ່ກ່າວຕອນຕົ້ນ ລະຫວ່າງທາງ ທ່ານເດີນທາງຜ່ານອຸໂມງ 91 ແຫ່ງ ແລະ ຂ້າມຂົວ 291 ແຫ່ງ ຜ່ານສາຍພູແອວປ໌ສະວິດ ເນື່ອງຈາກເສັ້ນທາງລົດໄຟແອວປ໌ເຊື່ອມຕໍ່ກັນທັງໝົດ ຈຶ່ງມີຕົວເລືອກໃຫ້ແຍກອອກເພື່ອແວະທ່ຽວໃນເສັ້ນທາງໄດ້

ທາງເລືອກໜຶ່ງສຳລັບການວາງແຜນ "ວັນພັກທ້າຍອາທິດຂອງລົດໄຟສະວິດ" ແມ່ນການຂຶ້ນສາຍ Glacier Express ໄປຍັງ St Moritz ໃຊ້ເວລາພຽງເລັກນ້ອຍໃນການສຳຫຼວດເມືອງຕາກອາກາດສຸດຫຼູສຸດພິເສດແຫ່ງນີ້

ແລ້ວເດີນທາງຕໍ່ເທິງເສັ້ນທາງລົດໄຟ ເຊິ່ງຈາກ St. Moritz ເອີ້ນວ່າ Bernina Express ນີ້ເປັນອີກໜຶ່ງການເດີນທາງໂດຍລົດໄຟທີ່ໜ້າທຶ່ງ ເຊິ່ງຈະພາທ່ານຜ່ານ Bernina Pass ທີ່ງາມ

ເສັ້ນທາງນີ້ເຕັມໄລຍະທາງປະມານ 4 ຊົ່ວໂມງ ແຕ່ຈາກ St. Moritz ນັ່ງລົດປະມານ 2 ຊົ່ວໂມງຈົນສຸດສາຍ
ທ່ານສາມາດວາງແຜນທີ່ຈະພັກຄ້າງຄືນຢູ່ໃສສັກແຫ່ງຕາມເສັ້ນທາງນີ້ ເຊັ່ນ ເມືອງ Poschiavo ເປັນເມືອງທີ່ມີສະເໜ່ ແລະ ແນະນຳເປັນຢ່າງຍິ່ງ ສຳລັບການແວະພັກ

ການໂດຍສານລົດໄຟ Bernina Express ຕໍ່ໄປຍັງຈຸດສິ້ນສຸດຂອງເສັ້ນທາງລົດໄຟໃນເມືອງ Tirano ປະເທດອິຕາລີ
ຈາກບ່ອນນັ້ນ ຫາກທ່ານຕ້ອງການຊົມທິວທັດຕໍ່ ກໍມີລົດເມໄປຍັງ Lugano ສະວິດເຊີແລນ

ສຳລັບການເດີນທາງກັບໄປຍັງຈຸດເລີ່ມຕົ້ນ ທ່ານອາດລອງນັ່ງລົດໄຟຈາກ Lugano ໄປຍັງ Locarno ແລ້ວນັ່ງລົດໄຟ Centovalli ທີ່ມີທິວທັດງາມໄປຍັງ Domodossola (ອິຕາລີ)

ເຊິ່ງທ່ານສາມາດຂຶ້ນລົດໄຟກົງໄປຍັງ Zermatt ຫຼື ຈຸດອື່ນໆ ໃນສາຍສະວິດໄດ້ຢ່າງງ່າຍດາຍ  ທິວທັດທີ່ທ່ານຈະເຫັນເທິງເສັ້ນທາງ Centovalli ນັ້ນຄຸ້ມຄ່າກັບການອ້ອມ ແລະ ແຕກຕ່າງຢ່າງຫຼາຍຈາກມຸມມອງທີ່ທ່ານຈະໄດ້ເຫັນໃນການເດີນທາງ Glacier/Bernina Express ຂອງທ່ານ ເປັນເສັ້ນທາງລົດໄຟທີ່ສັ້ນກວ່າ ແຕ່ຂ້າມຜ່ານຂົວສູງ ຜ່ານຮ່ອມເຫວ ແລະ ອຸໂມງເລິກ ຜ່ານນ້ຳຕົກ ປ່າໄມ້ ແລະ ສວນອະງຸ່ນ ປະສົບກັບທາງໂຄ້ງຫຼວງຫຼາຍ ແລະ ທາງຄ້ອຍຊັນທີ່ຊ້າຕະຫຼອດທາງ

ຖ້າທ່ານຢາກເດີນທາງດ້ວຍຄວາມງາມແບບນີ້ ກັບ See You Again ພວກເຮົາຈັດໃຫ້ທ່ານໄດ້ ໄປທ່ຽວສະວິດແບບສ່ວນຕົວກັບພວກເຮົາ ລົດຕູ້ສົ່ງທີ່ຕົ້ນທາງ ແລະ ຮັບທ່ານທີ່ປາຍທາງ ແສນສະດວກສະບາຍ ພົບກັນຄັ້ງໜ້າ ທີ່ສະວິດເຊີແລນເດີ