ແຫຼ່ງທ່ອງທ່ຽວທີ່ໜ້າສົນໃຈໃນເອເທນສ໌ Ep.1

ແຫຼ່ງທ່ອງທ່ຽວທີ່ໜ້າສົນໃຈໃນເອເທນສ໌ Ep.1

ແຫຼ່ງທ່ອງທ່ຽວຂອງເກຣັກທີ່ໜ້າສົນໃຈມີຫຼາຍ ແຕ່ພວກເຮົາໄດ້ລວບລວມບ່ອນທີ່ໜ້າສົນໃຈໃນເອເທນສ໌ໃຫ້ລອງສຶກສາກ່ອນໄປທ່ຽວເກຣັກ ລອງໄປສຶກສາກັນເລີຍ

1 ວິຫານພາເທນອນ

ໃຜທີ່ມາເອເທນສ໌ ແນ່ນອນວ່າວິຫານນີ້ເປັນໄຮໄລທ໌ຂອງເມືອງ ແລະ ທຸກຄົນຕ້ອງມາເລີຍກໍວ່າໄດ້ ວິຫານນີ້ເປັນວິຫານໂບຮານທີ່ສ້າງເທິງເນີນອະໂຄໂປລິສ ເປັນສາສະໜາສະຖານບູຊາເທບທິດາອາທີນາ ຫຼື ເທບທິດາແຫ່ງປັນຍາ ເປັນສິ່ງກໍ່ສ້າງສະຖາປັດຕະຍະກຳກຣີກໂບຮານ ທີ່ນີ້ສ້າງດ້ວຍສະຖາປັດຕະຍະກຳດໍຣິກຮູບທົງສີ່ແຈສາກ ມີເສົາຫີນອ່ອນແກະສະຫຼັກ 17 ຕົ້ນ ຮອງຮັບໂຄງສ້າງດ້ານຍາວ ແລະ 8 ຕົ້ນຮອງຮັບດ້ານກວ້າງ ມີບັນໄດທອດລົງສູ່ພື້ນທັງສີ່ດ້ານ ແລະ ໄປຊົມຄວາມງາມຂອງເພດານຮູບແຕ້ມທ້ອງຟ້າກັບດວງດາວສີທອງອີກດ້ວຍ ຕ້ອງໄປຊົມມໍລະດົກໂລກທີ່ນີ້ກັນເດີ້

2ຈັດຕຸລັດ Syntagma

ທີ່ນີ້ເປັນສູນກາງການເມືອງຂອງເອເທນສ໌ ຖ້າທ່ານມາທ່ຽວທີ່ອະໂຄໂປລິສແລ້ວ ກໍແວະມາທີ່ນີ້ນຳ ໄຮໄລທ໌ຄືການຊົມການປ່ຽນເວນຂອງທະຫານ ທີ່ມີການປ່ຽນເວນຍາມກັນທຸກໆຊົ່ວໂມງ ຖ້າໃຜຢາກຊົມຊຸດເຕັມຍົດຂອງທະຫານ ຕ້ອງມາທຸກວັນອາທິດເວລາ 11.00 ໂມງ

3 ຕະຫຼາດນັດ Monastiraki

ເປັນແຫຼ່ງລວມທຸກຢ່າງ ທັງຂອງຝາກ ເຄື່ອງໜັງ ເຄື່ອງດົນຕີ ເຄື່ອງປະດັບ ເພັດພອຍ ໂປຣການ໌ ແລະອື່ນໆ ມີຮ້ານເຫຼົ້າແລະຄາເຟບາຫຼາຍແຫ່ງ ຕັ້ງຢູ່ຕິດກັບສະຖານີລົດໄຟໃຕ້ດິນ Monastiraki ໃນນະຄອນເອເທນ ໃກ້ກັບ Plaka ແລະ Acropolis

4 ລານ Ancient Agora (Agora ໝາຍເຖິງຕະຫຼາດໃນພາສາກຣີກ)

ບ່ອນນີ້ເຄີຍເປັນສະຖານທີ່ຄ້າຂາຍ ປັດຈຸບັນເປັນບ່ອນທີ່ຊາວເອເທນມັກອອກມາລົມກັນກ່ຽວກັບຂ່າວສານບ້ານເມືອງ ແລະແລກປ່ຽນສິ່ງຂອງກັນ ລານແຫ່ງນີ້ເຕັມໄປດ້ວຍຮູບປັ້ນທີ່ສວຍງາມ ຊາກຫັກພັງຂອງ Royal Lodge ແລະຮ້ານຄ້າຫຼາຍແຫ່ງ ບໍລິເວນນີ້ມີຕົ້ນອັລມອນ ຕົ້ນດອກເມີເທິລ ແລະຕົ້ນທັບທິມທີ່ສວຍງາມ ໃຜຢາກເຫັນພາບງາມໆ ຕ້ອງໄປຢືນທີ່ລານກາງ ຈະໄດ້ເຫັນຄວາມງາມອັນໜ້າອັດສະຈັນຢູ່ເທິງເນີນພູ Acropolis

5 ລານ Roman Agora

ລານແຫ່ງນີ້ເປັນຕະຫຼາດໃໝ່ເພື່ອການຄ້າ ສ້າງຂຶ້ນດ້ວຍເງິນບໍລິຈາກຮ່ວມກັນຂອງ Julius Caesar ແລະ Augustus ລານແຫ່ງນີ້ມີເສາຫຼາຍຕົ້ນທີ່ຖືກເຄືອບດ້ວຍຫີນອ່ອນອ້ອມຮອບ ແລະຍັງມີຊິ້ນສ່ວນຂອງນ້ຳພຸທີ່ຍັງເຫຼືອຢູ່ ຮ້ານຄ້າ ແລະວິຫານທີ່ສ້າງຂຶ້ນເພື່ອເປັນກຽດແກ່ເທບເຈົ້າໂອລິມເປຍນ ນອກຈາກນີ້ ຍັງມີລະບົບລະບາຍນ້ຳແບບບູຮານໃຫ້ຊົມອີກດ້ວຍ

6 ພິພິທະພັນ Acropolis

ເປີດເມື່ອເດືອນມິຖຸນາ 2009 ໃນອາຄານທີ່ທັນສະໄໝ ອອກແບບໂດຍສະຖາປະນິກຊື່ດັງລະດັບສາກົນ Bernard Tschumi ຊັ້ນທຳອິດເປັນບ່ອນລວບລວມປະຕິມາກຳບູຮານ ແລະການຈັດສະແດງຈາກ Erechtheion ແລະວິຫານ Athena Nike ຊັ້ນສອງມີຮ້ານຄ້າແລະຮ້ານອາຫານ ແລະຊັ້ນສຸດທ້າຍຈະສະແດງຜົນງານປະຕິມາກຳ Parthenon ຕົ້ນສະບັບ ແລະສຳເນົາຂອງທີ່ຢູ່ຕ່າງປະເທດ ການກໍ່ສ້າງທີ່ລາດຊັນເພື່ອໃຫ້ຮູ້ສຶກຄືກັບຜູ້ແສວງບຸນບູຮານເມື່ອພວກເຂົາປີນຂຶ້ນໄປທີ່ Acropolis ເປີດທຸກມື້ ຕັ້ງແຕ່ເວລາ 08:00 - 20.00 ໂມງ

(ມີຄ່າເຂົ້າຊົມ ບາງວັນຈັນ ຫຼືວັນພັກລາຊະການອາດເສຍຄ່າເຂົ້າຫຼາຍກວ່າວັນທົ່ວໄປ)

7 ພິພິທະພັນໂບຣານະຄະດີແຫ່ງຊາດ

ທີ່ນີ້ເປັນພິພິທະພັນທີ່ໃຫຍ່ທີ່ສຸດແລະສຳຄັນທີ່ສຸດໃນໂລກ ຢູ່ຖະໜົນ Patision ເຕັມໄປດ້ວຍໂບຣານະຄະດີແຫ່ງຊາດ ເຊິ່ງມີການຈັດສະແດງຫຼາຍກວ່າ 11,000 ລາຍການ ນຳສະເໜີທັດສະນີຍະພາບອັນງົດງາມຂອງວັດທະນະທຳກຣີກບູຮານ ຕັ້ງແຕ່ຍຸກກ່ອນປະຫວັດສາດຈົນເຖິງສະໄໝບູຮານ ນອກຈາກນີ້ ຍັງມີການຈັດສະແດງຮູບປັ້ນທອງສຳລິດຂອງໂປໄຊດອນ ຫຼຸມຝັງສົບຂອງ Egesos ວັດຖຸທີ່ຂຸດພົບຂອງ Mycenae ແລະຍັງມີຄໍເລັກຊັນອີຢິບທີ່ສຳຄັນ ລວມທັງຂອງສະສົມບູຮານຂອງໄຊປຣັດ

8 Plaka

ຍ່ານເມືອງເກົ່າຂອງເອເທນ ມີເຮືອນແບບຄລາສສິກ ຖະໜົນປູດ້ວຍຫີນແຄບໆ ເປັນແຫຼ່ງທ່ອງທ່ຽວທີ່ຢູ່ໃກ້ກັບ Acropolis ຫຼາຍ ຖະໜົນ Adrianou ເປັນຖະໜົນສາຍຫຼັກໃນ Plaka ເຕັມໄປດ້ວຍຮ້ານຄ້າ ບາຮ້ານເຫຼົ້າແບບດັ້ງເດີມ ແລະຮ້ານອາຫານຫຼາຍແຫ່ງ ຍ່ານນີ້ຍັງມີໂບດເກົ່າແກ່ຫຼາຍແຫ່ງອີກດ້ວຍ ທີ່ຕີນພູທາງທິດຕາເວັນອອກສ່ຽງເໜືອຂອງ Acropolis ແມ່ນ Anafiotika ຕັ້ງຊື່ໂດຍຜູ້ອົບພະຍົບຈາກ Anafi ທີ່ມາເຮັດວຽກກໍ່ສ້າງໃນເຂດໂບຣານະຄະດີຂອງ Acropolis ແລະສ້າງເຮືອນຫຼັງທຳອິດຢູ່ທີ່ນັ້ນ ຮູບແບບສະຖາປັດຕະຍະກຳແມ່ນແບບ Cycladic (ນຶກເຖິງເກາະທີ່ມີເຮືອນສີຂາວຢູ່ຖະໜົນແຄບໆ) ທ່ານຕ້ອງຫຼົງໄຫຼແນ່ນອນ

9 Lycabettus Hill

ເນີນພູແຫ່ງນີ້ຕາມຕຳນານເລົ່າວ່າຖືກສ້າງຂຶ້ນເມື່ອກ້ອນຫີນທີ່ເທບທິດາ Athena ຖືຫຼົ່ນຈາກມືຂອງນາງ ເມື່ອນາງໄດ້ຍິນຂ່າວຮ້າຍທີ່ກາເອົາມາບອກ ທ່ານສາມາດຂຶ້ນກະເຊົ້າໄຟຟ້າ ຫຼືຈະຍ່າງຜ່ານປ່າຂຶ້ນພູນີ້ກໍໄດ້ ຂ້າງເທິງມີໂບດ 2 ແຫ່ງ ຄື Agios Isidoros ແລະ Agios Georgios ແລະໂຮງລະຄອນ Lycabettus ຕາເວັນຕົກດິນເປັນເວລາທີ່ງາມທີ່ສຸດ

10 ລອງລົດຊາດ Souvlaki, Gyros ແລະ Kebab ໃນເອເທນ

ອາຫານທີ່ເປັນໜຶ່ງໃນໃຈຂອງຊາວເອເທນຄື Souvlaki ຫຼາຍຄົນຕ້ອງສົງໄສວ່າແມ່ນຫຍັງ? ເມນູນີ້ຄື ຊີ້ນກ່ຽວໄມ້ ຊີ້ນໝູກ່ຽວໄມ້ ຊີ້ນໄກ່ກ່ຽວໄມ້ ທີ່ແຊບທີ່ສຸດຕ້ອງໄປທີ່ Elvis in Pagrati

Gyros ແມ່ນອີກໜຶ່ງເມນູທີ່ຊາວເອເທນມັກຫຼາຍ ຕັ້ງຢູ່ທີ່ແຈອັນສວຍງາມ Kypseli ຈັດຕຸລັດ Agios Georgios ໂດຍໝັກຈາກຊີ້ນຄຸນນະພາບດີດ້ວຍສູດລັບຈາກລຸງເຈົ້າຂອງສູດ Andreas

Kebab ທີ່ແຊບທີ່ສຸດຕ້ອງຂອງ Thanassis ໃນຍ່ານໃຈກາງເມືອງເອເທນ ເຮັດດ້ວຍຄວາມເອົາໃຈໃສ່ແລະຄຸນນະພາບ ຝີມືດີບໍ່ມີໃຜທຽບໄດ້ເລີຍ

ລິ້ງ ແຫຼ່ງທ່ອງທ່ຽວທີ່ໜ້າສົນໃຈໃນເອເທນ Ep.2…………………………………………………
ສົນໃຈທົວກຣີສແບບສ່ວນຕົວ
ລິ້ງ.....................................................