ຂອງຝາກສະວິດເຊີແລນ

ໂມງ

ສະວິດເຊີແລນເປັນແຫຼ່ງຜະລິດໂມງຄຸນນະພາບລະດັບໂລກ. ໂມງບາງລຸ້ນຈະຈຳໜ່າຍສະເພາະໃນສະວິດເຊີແລນເທົ່ານັ້ນ ນັກທ່ອງທ່ຽວຈຶ່ງນິຍົມມາເລືອກຊື້ໂມງກັນທີ່ນີ້

ຈຸດເດັ່ນຂອງໂມງສະວິດແມ່ນ ຄວາມປະນີດໃນການປະກອບຊິ້ນສ່ວນ ພ້ອມການຕົກແຕ່ງທີ່ມາຈາກຊ່າງຜູ້ຊຳນານ ເຮັດໃຫ້ໂມງສະວິດເປັນທີ່ນິຍົມຕະຫຼອດມາ. ຍີ່ຫໍ້ໂມງທີ່ມີຊື່ສຽງ ເຊັ່ນ Rolex, Cartier, Patek Philippe, IWC, Bernhard H. Mayer, MIDO, Chairos, Schaffhausen, OMEGA, Tissot, Tag Heuer, Cimier, Longines, Oris, Vacheron Constantin ແລະ Swatch

ໃຜທີ່ມັກໂມງສະວິດ ຈະໄດ້ຍິນຄຳວ່າ “Swiss Made” ແລະ “Made in Swichzerland” ສອງຄຳນີ້ມີຄວາມແຕກຕ່າງກັນ. ຄຳວ່າ “Swiss Made” ເປັນເຄື່ອງໝາຍສະແດງວ່າ ໂມງໜ່ວຍນີ້ມີສ່ວນປະກອບ ຫຼື ຊິ້ນສ່ວນທີ່ຜະລິດໃນສະວິດ ຕາມສັດສ່ວນທີ່ສະວິດກຳນົດ ຫຼື ປະມານ 60% ຂຶ້ນໄປ ແລະ ໄດ້ຮັບການກວດສອບຄຸນນະພາບ ແລະ ການຜະລິດຈາກໜ່ວຍງານຂອງສະວິດ

ໂດຍໂມງຍີ່ຫໍ້ນັ້ນອາດຈະເປັນໂມງຈາກປະເທດໃດກໍໄດ້. ສ່ວນ “Made in Switzerland” ໝາຍເຖິງ ເປັນໂມງທີ່ຜະລິດໃນສະວິດ ມີໂຮງງານຕັ້ງຢູ່ໃນສະວິດ ເຊິ່ງໃຊ້ຊິ້ນສ່ວນທີ່ຜະລິດໃນສະວິດທັງໝົດ ໂດຍຈະມີທັງໂມງຍີ່ຫໍ້ດັງໆ ລວມໄປເຖິງໂມງທີ່ມີຊື່ສຽງພາຍໃນປະເທດສະວິດເຊີແລນດ້ວຍ

(ອ້າງອີງ https://www.mushroomtravel.com/page/swiss-watch/)

ກະເປົາ Freitag

ຄຳວ່າ Freitag ມີຮາກສັບມາຈາກພາສາເຢຍລະມັນ ອອກສຽງວ່າ “ຟຣາຍ-ທາກ” ແປວ່າວັນສຸກ. ກະເປົາຍີ່ຫໍ້ນີ້ເກີດຂຶ້ນໃນປີ 1993 ຈາກສອງອ້າຍນ້ອງນັກອອກແບບຊື່ ມາຄັສ ແລະ ດານຽນ ຟຣາຍທາກ (Markus and Daniel Freitag) ທີ່ຕ້ອງການກະເປົາທີ່ແຂງແຮງ ກັນນ້ຳໄດ້ດີ ແລະ ມີດີໄຊນ໌ງາມ

ທັງສອງຄົນໄດ້ໄອເດຍມາຈາກວິວທີ່ເຫັນຈາກປ່ອງຢ້ຽມຫ້ອງຄົວ ຄື ລົດບັນທຸກ ແລະ ຜ້າໃບເກົ່າທີ່ໝົດອາຍຸແຕ່ສະພາບຍັງດີ ສອງອ້າຍນ້ອງຈຶ່ງເລີ່ມນຳມາປະດິດເປັນກະເປົາຂຶ້ນ

ຜູ້ໃດທີ່ສົນໃຈສາມາດໄປເລືອກຊື້ກະເປົາ Freitag ໄດ້ທີ່ Freitag Tower ເຊິ່ງເປັນຮ້ານຂາຍສິນຄ້າ Freitag ທີ່ໃຫຍ່ທີ່ສຸດໃນໂລກ ຕັ້ງຢູ່ທີ່ເມືອງຊູຣິກ ຕົວອາຄານເຮັດຈາກຕູ້ຄອນເທນເນີຊ້ອນກັນເປັນຊັ້ນໆ ຫຼື ເຂົ້າໄປເບິ່ງສິນຄ້າກ່ອນໄດ້ທີ່ https://www.freitag.ch/en

www.freitag.ch

ມີດພັບສະວິດ

ເປັນມີດທີ່ອອກແບບມາໃຫ້ລວມເຄື່ອງມືຫຼາຍຢ່າງໄວ້ນຳກັນ ບໍ່ວ່າຈະເປັນ ໄຂຄວງ ມີດຕັດ ທີ່ເປີດຂວດ ທີ່ເປີດກະປ໋ອງ ປາກກາ ແລະ ອື່ນໆຫຼາກຫຼາຍດີໄຊນ໌

ໂດຍເຄື່ອງມືເຫຼົ່ານີ້ລວມກັນຢູ່ພາຍໃນດ້າມຈັບ ແລະ ດ້ວຍກົນໄກຂອງຈຸດໝູນຕ່າງໆ ເຮັດໃຫ້ອຸປະກອນເຫຼົ່ານັ້ນສາມາດເປີດອອກ ແລະ ພັບເກັບໄດ້. ມີດສະວິດໄດ້ຮັບຄວາມນິຍົມໃນການໃຊ້ງານ ແລະ ເປັນຂອງຝາກມາຢ່າງຍາວນານ. ພວກເຮົາສາມາດຊື້ມີດພັບສະວິດໄດ້ທີ່ຮ້ານ Victorinox (https://www.victorinox.com/global/en/Victorinox/Visit-Us/Our-Stores/Victorinox-Flagship-Store-Z%C3%BCrich/cms/flagship-store-zurich)

ເຊິ່ງເປັນຍີ່ຫໍ້ທີ່ໄດ້ຮັບຄວາມນິຍົມຫຼາຍທີ່ສຸດ ໂດຍມີຮ້ານແຟຣນຊາຍສ໌ຢູ່ຈຳນວນຫຼາຍ ຊອກຊື້ໄດ້ບໍ່ຍາກ

(ອ້າງອີງຮູບຈາກເວັບຮ້ານ victorinox ຕາມລິ້ງຂ້າງເທິງ)

ຊັອກໂກແລັດ (ຮູບທັງໝົດຈາກ https://www.beyond-boarders.com)

ເຂົ້າໜົມທີ່ມີຊື່ສຽງຫຼາຍອີກຢ່າງຂອງສະວິດເຊີແລນຄື ຊັອກໂກແລັດ. ຊັອກໂກແລັດຂອງສະວິດໄດ້ຊື່ວ່າເປັນຊັອກໂກແລັດທີ່ມີຄຸນນະພາບດີທີ່ສຸດໃນໂລກ

ເມນູຍອດນິຍົມຂອງນັກທ່ອງທ່ຽວ ນອກຈາກຈະໄປຊີມ ຟອງດູ (Fondue) ແລ້ວ ການຊື້ຊັອກໂກແລັດມາຊີມ ແລະ ເປັນຂອງຝາກກໍໜ້າສົນໃຈຫຼາຍ. ແບຣນຊັອກໂກແລັດທີ່ນິຍົມ ໄດ້ແກ່

Toblerone ຜະລິດຕັ້ງແຕ່ປີ 1908 ໂດຍ Theodor Tobler ແລະ Emil Baumann ທີ່ເມືອງ Bern ໂດຍມີເອກະລັກເດັ່ນຄື ເປັນຊັອກໂກແລັດທີ່ປະສົມອັນມອນ ແລະ ນ້ຳເຜິ້ງ ໃນຮູບທົງສາມຫຼ່ຽມຕິດກັນລຽງກັນເປັນແຖວ ເບິ່ງຄືພູຫຼາຍໆລູກລຽງຕິດກັນ ແລະ ໂລໂກ້ຂອງ Toblerone ເປັນຮູບຍອດພູ Matterhorn ເຊິ່ງເປັນສັນຍາລັກຂອງເມືອງ Bern ນັ້ນເອງ

ໄຄເລີ (Cailler) ຜະລິດຂຶ້ນຕັ້ງແຕ່ປີ 1819 ໂດຍ Francois-Louis Cailler ແລະ ຕໍ່ມາໄດ້ຮ່ວມງານກັບບໍລິສັດ Nestle ໃນການຜະລິດຊັອກໂກແລັດ. ພວກເຮົາສາມາດໄປຊື້ຊັອກໂກແລັດຍີ່ຫໍ້ນີ້ໄດ້ເຖິງໂຮງງານຊັອກໂກແລັດ Maison Cailler ໃນເມືອງອອເບ ທາງທິດເໜືອຂອງໂລຊານ (website : https://cailler.ch/en/maison-cailler)

ໂຮງງານແຫ່ງນີ້ມີສິ່ງທີ່ໜ້າປະທັບໃຈ ກ່າວຄື ໃນວັນທີ 15 ເມສາ 2478 ບໍລິສັດ Nestle ໄດ້ກາບທູນເຊີນພະມະຫາກະສັດ ລັດຊະການທີ 8 ແລະ ລັດຊະການທີ 9 ພ້ອມດ້ວຍພະລາຊະຊະນະນີ ເສດັດພະລາຊະດຳເນີນເຍືອນໂຮງງານຊັອກໂກແລັດ ແລະ ນົມຂົ້ນຫວານ ແລະ ໄດ້ຮັບຖວາຍຊັອກໂກແລັດທີ່ລະນຶກພະອົງລະກ່ອງອີກດ້ວຍ

ເຟຣ (Frey) ຖືກຄິດຄົ້ນໃນປີ 1887 ໂດຍ Robert and Max Frey ເປັນຊັອກໂກແລັດຫວານກົມກ່ອມທີ່ເນັ້ນການປະສົມຖົ່ວລົງໄປເພື່ອເພີ່ມຄວາມເພີດເພີນໃນການຄ້ຽວ ແຕ່ກໍມີລົດຊາດແບບບໍ່ມີຖົ່ວດ້ວຍ. ເປັນ the best-selling chocolate ໃນ Switzerland ພາຍໃຕ້ເຄືອຂອງ Retailer ຍັກໃຫຍ່ຢ່າງ Migros ແລະ ເປັນຊັອກໂກແລັດເຈົ້າດຽວທີ່ບອກວ່າ ຜະລິດທຸກຢ່າງໃນສະວິດດ້ວຍ

ລິນດ໌ (Lindt) ຖືກຄິດຄົ້ນຂຶ້ນໃນປີ 1836 ໂດຍພໍ່ຄ້າຂາຍເຂົ້າໜົມຫວານຊື່ Spr?ngli ໃນເມືອງ Zurich ແລະ ມີ Chocolate exhibition ເທິງຍອດພູ Jungfraujoch

ລວມເຖິງມີການຈັດສະແດງສິນຄ້າທີ່ພິພິທະພັນ Swiss Museum of Transport ໃນເມືອງ Lucerne ດ້ວຍ. ປັດຈຸບັນ Lindt ມີ Chocolate bar ທີ່ສາມາດເລືອກປະລິມານຄວາມເຂັ້ມຂຸ້ນຂອງຊັອກໂກແລັດໄດ້ ເຊັ່ນ 70% 85% ແລະ 99% ເພື່ອເອົາໃຈຄົນທີ່ຢາກກິນຊັອກໂກແລັດແບບເຂັ້ມຂຸ້ນອີກດ້ວຍ


ທອຍເຊີ (Teuscher) ຖືກຄິດຄົ້ນໃນປີ 1932 ໂດຍ Dolf Teuscher ເຊິ່ງສາມາດຊື້ໄດ້ທີ່ Zurich ແລະ Geneva ໂດຍທີ່ເມືອງ Zurich ຈະເປັນຖານການຜະລິດຫຼັກຂອງຊັອກໂກແລັດຍີ່ຫໍ້ນີ້ກວ່າ 100 ຊະນິດ

ລັກສະນະເດັ່ນຄື ເປັນຊັອກໂກແລັດບານທີ່ສອດໄສ້ແຈມລົດຊາດຕ່າງໆໄວ້ໃຫ້ໄດ້ລິ້ມລອງພາຍໃນກ່ອງດຽວ ໂດຍຜະລິດດ້ວຍການໃຊ້ສານທຳມະຊາດ ບໍ່ມີສານເຄມີ ຫຼື ສານກັນບູດ




ເລເດີຣັກ (L?derach) ເປັນຊັອກໂກແລັດທີ່ສະແດງເຖິງຄວາມເປັນສະວິດພື້ນເມືອງ ຫຼື Home made chocolate ສາມາດຊື້ໄດ້ໃນຮ້ານຕາມສະຖານີລົດໄຟຫຼັກໆ ເຊັ່ນ Zurich, Bern, Basel ແລະ Lucrene. ພວກເຮົາສາມາດເຂົ້າຊົມພິພິທະພັນໄດ້ທີ່ http://www.myswitzerland.com/en-ch/chocolate-factories/laederach-chocolate-adventures.html



ວິລລາຣ໌ສ໌ (Villars) ຜະລິດຄັ້ງທຳອິດເມື່ອປີ ຄ.ສ. 1901 ທີ່ເມືອງ Fribourg ໂດຍເນັ້ນການຂາຍນັກທ່ອງທ່ຽວເປັນຫຼັກ ເປັນຊັອກໂກແລັດທີ່ມີລົດຊາດ ແລະ ຂະໜາດໃຫ້ເລືອກຫຼາຍຢ່າງ ດ້ວຍສ່ວນປະສົມທີ່ບໍ່ຊ້ຳໃຜ. ປັດຈຸບັນບໍລິຫານງານໂດຍ Alexandre Sacerdoti ແລະ ພະນັກງານອີກປະມານ 140 ຄົນ

(website : https://www.villars.com/FR/en.html)



ສ່ວນອາຫານອື່ນໆ ທີ່ໜ້າສົນໃຈຂອງສະວິດເຊີແລນ ເຊັ່ນ Raclette, Schnitzel, Saffron Risotto, Swiss Cheese Fritters (Malakoff), Rosti ເປັນຕົ້ນ



ຊີສ

ສະວິດເຊີແລນກໍເດັ່ນເລື່ອງຊີສຄືກັນ ມີຫຼາຍປະເພດເລີຍ ເຊັ່ນ

ເອມເມນທາລ (Emmental) ຜະລິດຈາກໝູ່ບ້ານໃນຮ່ອມພູເອມເມນທາລ ທາງທິດຕາເວັນອອກຂອງນະຄອນເບີນ ຈາກນົມສົດຂອງງົວທີ່ລ້ຽງດ້ວຍສະໝຸນໄພໃນທົ່ງຫຍ້າ. ດ້ານນອກຂອງຊີສຈະມີສີເຫຼືອງອອກນ້ຳຕານອ່ອນ ດ້ານໃນເປັນສີເຫຼືອງ ແລະ ມີຮູພຸນທົ່ວໄປ ເຊິ່ງເກີດຈາກກົດຄາບອນິກລະຫວ່າງການໝັກ ກາຍເປັນເອກະລັກຂອງເນີຍແຂງຊະນິດນີ້ ທີ່ຮູ້ຈັກກັນໃນນາມ ສະວິດຊີສ ເນື່ອງຈາກຊາວສະວິດເປັນຜູ້ທີ່ເຮັດໄດ້ກ່ອນໃຜນັ້ນເອງ. ຊີສຊະນິດນີ້ນິຍົມນຳມາເຮັດເປັນຟອງດູ ແຊນວິດ ແລະ ພາຍ

ກຣູແຢຣ໌ (Gruyere) ຜະລິດຈາກເມືອງກຣູແຢຣ໌ ລັດຟຣີບູກທາງທິດຕາເວັນຕົກຂອງປະເທດ ເປັນຊີສທົງກົມ ເປັນຊີສທີ່ມີຂະໜາດໃຫຍ່ ຮູບຮ່າງກົມຄືເຄັກປອນ ມີລົດຫວານ ແລະ ເຄັມເລັກນ້ອຍ ເວລາຄ້ຽວໜຽວໆ

ອັບເພນເຊນເລີ (Appenzeller) ເປັນຜະລິດຕະພັນຈາກເຂດອັບເພນເຊນ ທາງທິດຕາເວັນອອກຂອງປະເທດສະວິດ ເຊິ່ງມີວິທີເຮັດແບບພິເສດ ໂດຍໃຊ້ນ້ຳເກືອປະສົມສະໝຸນໄພ ຈຶ່ງມີກິ່ນແຮງເລັກນ້ອຍ ແລະ ເປັນເອກະລັກໂດດເດັ່ນຂອງຊີສປະເພດນີ້

ເຕດ ເດີ ມວນ (Tete de Moine) ເປັນຜະລິດຕະພັນມາຈາກນົມສົດ ຈາກພາກພື້ນຈູຣາ ຢູ່ທາງທິດຕາເວັນອອກສຽງເໜືອຂອງປະເທດສະວິດ ເປັນຊີສທີ່ມີຄວາມແຂງໜາເປັນພິເສດ ການນຳມາໃຊ້ຈຶ່ງຕ້ອງຂູດເປັນຝອຍໆກ່ອນ ໂດຍມີເຄື່ອງມືຕັດພິເສດທີ່ເອີ້ນວ່າ "ກີໂຣນ" ແລະ ມັກຈະນຳໄປໂຮຍປະດັບອາຫານໃນເມນູອື່ນໆ

ເຫຼົ້າແວງ ເຫດທີ່ເຫຼົ້າແວງສະວິດບໍ່ເປັນທີ່ຮູ້ຈັກຫຼາຍນັ້ນ ເພາະວ່າລາຄາສູງກວ່າເຫຼົ້າແວງຝຣັ່ງ ແລະ ມີຈຳນວນຜະລິດທີ່ບໍ່ຫຼາຍພໍ. ແຕ່ໃນເລື່ອງຂອງຄຸນນະພາບແລ້ວ ເຫຼົ້າແວງສະວິດຖືວ່າເປັນເຫຼົ້າແວງຊັ້ນເລີດ ໂດຍແຫຼ່ງວັດຖຸດິບຫຼັກຢູ່ທີ່ສວນອະງຸ່ນໃນແຖບທິດຕາເວັນຕົກ ແລະ ທາງພາກໃຕ້ ຫຼື ທາງທິດຕາເວັນອອກສຽງໃຕ້ ຕາມແນວ Rh?ne Valley ຫຼື ແຫຼ່ງເພາະປູກບໍລິເວນອ້ອມໆທະເລສາບ Neuch?tel. ຫາດື່ມໄດ້ທັງຕາມຮ້ານອາຫານ ຮ້ານຂາຍທົ່ວໄປ ຫຼື ໃນຫ້າງ