ທ່ຽວອຸບົນ 3 ມື້ 2 ຄືນ

ອຸບົນລາດຊະທານີ ພາກຕາເວັນອອກສ່ຽງເໜືອ ທີ່ຫຼາຍຄົນອາດຈະມີຄຳຖາມວ່າມີຫຍັງໃຫ້ທ່ຽວແດ່ ມື້ນີ້ See You Again ຂໍແນະນຳໂປຣແກຣມທົວພິເສດສຸດໆ ໃຫ້ທ່ານໄດ້ມາສຳຜັດ ກັບໂປຣແກຣມທົວອຸບົນລາດຊະທານີ 3 ມື້ 2 ຄືນນີ້

ໂປຣແກຣມທົວ
ມື້ທີ 1 ຮັບທ່ານທີ່ສະໜາມບິນ/ສະຖານີລົດໄຟ/ສະຖານີລົດໂດຍສານ- ທຳມາດຮູບສິງ-ຂົວນ້ອຍ-ກຸ່ມເຄື່ອງທອງເຫຼືອງ-ສາມພັນໂບກ
ມື້ທີ 2 ຫາດຊົມດາວ-ນ້ຳຕົກລົງຮູ-ວັດຖ້ຳຄູຫາສວັນ-ແກ່ງຕະນະ-ວັດສິຣິນທອນວະຣາຣາມພູພ້າວ
ມື້ທີ 3 ເສົາເຉລຽງ-ຜາແຕ້ມ-ວັດຖ້ຳວັງຜາພະຍານາກາຊາ-ວັດໜອງປ່າພົງ-ວັດພຣະທາດໜອງບົວ

ລາຍລະອຽດ

1
ເຊົ້າ ຮັບທ່ານທີ່ສະໜາມບິນ/ສະຖານີລົດໄຟ/ສະຖານີລົດໂດຍສານ
ພາທ່ານໄປກິນອາຫານເຊົ້າໃນຕົວເມືອງອຸບົນ
09.30 ໂມງ ເດີນທາງສູ່ວັດສີນວນແສງສະຫວ່າງອາລົມ ບ້ານຊີທວນ ອ.ເຂື່ອງໃນ ພາຍໃນວັດມີສະຖາປັດຕະຍະກຳທີ່ມີຄຸນຄ່າ ຄື ຫໍແຈກ (ສາລາການປຣຽນ) ເຊິ່ງເປັນທີ່ຕັ້ງທຳມາດຮູບສິງ ປູນປັ້ນ ຝີມືຊ່າງຊາວຫວຽດນາມ ສ້າງຂຶ້ນລະຫວ່າງປີ ພ.ສ. 2468-2470 ຈາກນັ້ນຊົມຂົວນ້ອຍບ້ານຊີທວນ (ຂົວ=ສະພານ) ທີ່ສ້າງຂຶ້ນເພື່ອໃຫ້ພຣະພິກຂຸສາມະເນນເດີນຂ້າມໄປບິນທະບາດ ແລະ ໃຫ້ຜູ້ຄົນສອງໝູ່ບ້ານໄດ້ເດີນທາງໄປມາຫາສູ່ກັນ ລະຫວ່າງບ້ານຊີທວນ-ບ້ານໜອງແຄນ ເປັນສະພານທີ່ທອດຍາວໃນທົ່ງນາ ໃຫ້ທ່ານໄດ້ຍ່າງຊົມບັນຍາກາດກາງທົ່ງນາ ຖ່າຍຮູບວິວງາມໆ
ຈາກນັ້ນອອກເດີນທາງໄປໝູ່ບ້ານປະອາວ ຊົມການທໍຜ້າໄໝ ແລະ ເລືອກຊື້ຜ້າໄໝຈາກຊຸມຊົນ ຈາກນັ້ນ ຊົມກຸ່ມເຄື່ອງທອງເຫຼືອງ ຊົມການຜະລິດເຄື່ອງທອງເຫຼືອງ ແລະ ເລືອກຊື້ຜະລິດຕະພັນເຄື່ອງທອງເຫຼືອງ ເພື່ອເປັນຂອງຝາກຂອງທີ່ລະນຶກ
12.00 ໂມງ ກິນອາຫານທ່ຽງ ໃນເມືອງອຸບົນ
13.00 ໂມງ ເດີນທາງໄປ ສາມພັນໂບກ ອ.ໂພທິ໌ໄຊ (120 ກມ.) ເຊັກອິນເຂົ້າທີ່ພັກ
ຈາກນັ້ນອອກເດີນທາງໄປ ລ່ອງເຮືອຊົມແກຣນຄອນຢອນສະຫຍາມ ນາມ ສາມພັນໂບກ ມະຫັດສະຈັນກາງແມ່ນ້ຳຂອງ ທີ່ເກີດຈາກກະແສນ້ຳໃນແມ່ຂອງ ວົນກັດເຊາະແກ່ງຫີນ ເຮັດໃຫ້ຫີນເປັນຫຼຸມ ຫຼື ທີ່ຊາວບ້ານເອີ້ນວ່າໂບກ ຈະມີລັກສະນະແຕກຕ່າງກັນໄປຕາມຈິນຕະນາການ ເຊິ່ງມີຈຳນວນຫຼາຍກວ່າ 3,000 ຫຼຸມ ຈຶ່ງເອີ້ນບ່ອນນີ້ວ່າ “ສາມພັນໂບກ” ຊົມລານຫີນສີ ຫີນປະກາລັງ ແລະ ຫີນແຈກັນ
ກິນອາຫານແລງ ພັກຜ່ອນຕາມອັທຍາໄສ

2
05.30 ໂມງ ຮຸ່ງອະລຸນ ຮັບແສງຕາເວັນຍາມເຊົ້າທີ່ຫາດຊົມດາວ (ຖ້ານ້ຳໃນແມ່ນ້ຳຂອງຍັງບໍ່ລົດ ປ່ຽນເປັນຜາວັດໃຈແທນ) ຊົມແກ່ງຫີນງາມ ເຊິ່ງມີລັກສະນະຄ້າຍໆກັບສາມພັນໂບກ ສົມຄວນແກ່ເວລາ ເດີນທາງກັບທີ່ພັກ
ກິນອາຫານເຊົ້າ ທີ່ຫ້ອງອາຫານຂອງລີສອດ
10.00 ໂມງ ເດີນທາງສູ່ ນ້ຳຕົກແສງຈັນ ຫຼື ເອີ້ນອີກຊື່ໜຶ່ງວ່າ “ນ້ຳຕົກລົງຮູ” ເຊິ່ງເອີ້ນຕາມສາຍນ້ຳທີ່ໄຫຼຜ່ານຮູຫີນ ສະເໜ່ຂອງນ້ຳຕົກແຫ່ງນີ້ຄື ຄວາມງາມທີ່ປະສົມປະສານກັບທຳມະຊາດຢ່າງລົງຕົວ ໃຫ້ທ່ານໄດ້ສຳຜັດ ຈາກນັ້ນ ເດີນທາງຕໍ່ອີກ 2 ກມ. ຊົມ ນ້ຳຕົກທຸ່ງນາເມືອງ ແລະ ເຄືອວັນຍັກ ນ້ຳຕົກມີລັກສະນະເປັນມ່ານທີ່ສວຍງາມ ແລະ ບໍລິເວນທາງລົງຊົມນ້ຳຕົກ ທ່ານກໍຈະໄດ້ພົບກັບເຄືອວັນຍັກ ອາຍຸກວ່າ 400 ປີ ວັດອ້ອມລຳຕົ້ນໄດ້ 1.5 ແມັດ ປົກຄຸມພື້ນທີ່ເໜືອນ້ຳຕົກ ຫຼັງຈາກເກັບພາບຄວາມປະທັບໃຈແລ້ວ ເດີນທາງສູ່ ອ.ໂຂງຢຽມ
12.00 ໂມງ ກິນອາຫານທ່ຽງ ອ.ໂຂງຢຽມ
13.00 ໂມງ ຊົມ ແມ່ນ້ຳສອງສີ (ຈຸດທີ່ແມ່ນ້ຳມູນໄຫຼລົງສູ່ແມ່ນ້ຳຂອງ) ນ້ຳຈະເປັນ 2 ສີ ໃນຊ່ວງຕົ້ນລະດູຝົນ ແມ່ນ້ຳຂອງຈະຂຸ່ນ ແມ່ນ້ຳມູນຈະໃສ ດັ່ງຄຳກ່າວທີ່ວ່າ “ຂອງສີປູນ-ມູນສີຄາມ”
ຈາກນັ້ນໄປໄຫວ້ພຣະທີ່ ວັດຖ້ຳຄູຫາສວັນ ສັກການະສະລີລະຫຼວງປູ່ຄຳຄະນິງ ຈຸນລະມະນີ ຊົມຄ້ອງທີ່ໃຫຍ່ທີ່ສຸດໃນໂລກ
ແລະ ໄປເຊັກອິນເຂົ້າໂຮງແຮມທີ່ພັກ ທີ່ ອ.ໂຂງຢຽມ
ຈາກນັ້ນເດີນທາງໄປອຸທະຍານແຫ່ງຊາດແກ່ງຕະນະ ຊົມແກ່ງຫີນກາງແມ່ນ້ຳມູນ ຊົມຂົວແຂວນທີ່ຍາວທີ່ສຸດໃນປະເທດໄທ
ຈາກນັ້ນເດີນທາງໄປ ວັດສິຣິນທອນວະຣາຣາມພູພ້າວ ຊົມພຣະອຸໂບສົດສິລະປະລ້ານຊ້າງທີ່ງົດງາມ ຊົມຕາເວັນຕົກດິນທີ່ເຂື່ອນສິຣິນທອນ ແລະ ສິລະປະຕົ້ນກັນລະພຶກທາງດ້ານຫຼັງພຣະອຸໂບສົດ ທີ່ສາມາດເຮືອງແສງໄດ້ເມື່ອທ້ອງຟ້າເລີ່ມມືດລົງ
ກິນອາຫານແລງ ແລະ ພັກຜ່ອນຕາມອັທຍາໄສ

3
07.00 ໂມງ ກິນອາຫານເຊົ້າ ທີ່ໂຮງແຮມ ພ້ອມເຊັກເອົາ
ອອກເດີນທາງສູ່ອຸທະຍານແຫ່ງຊາດຜາແຕ້ມ ຊົມ ເສົາເຉລຽງ ປະຕິມາກຳຊິ້ນເອກຂອງຫີນຊາຍ 2 ຍຸກ ຈາກນັ້ນ ຍ່າງຊົມ ຜາແຕ້ມ ຊົມພາບແຕ້ມສີບູຮານ ສະໄໝກ່ອນປະຫວັດສາດ ອາຍຸ 3,000-4,000 ປີ ຈາກນັ້ນ ເດີນທາງໄປວັດຖ້ຳວັງຜາພະຍານາກາຊາ ບໍລິເວນໃກ້ໆອຸທະຍານແຫ່ງຊາດຜາແຕ້ມ
12.00 ໂມງ ກິນອາຫານທ່ຽງ (ມື້ທີ 10) ທີ່ ຮ້ານສະຫະໂພຊະນາ ແກ່ງສະພື ອ.ພິບູນມັງສາຫານ
ຈາກນັ້ນອອກເດີນທາງໄປ ວັດໜອງປ່າພົງ ອ.ວາລິນ ຊົມພິພິດທະພັນ ກາບໄຫວ້ອັດຖິທາດຸ ພຣະໂພທິຍານເຖນ (ຫຼວງປູ່ຊາ ສຸພັດໂທ) ທີ່ ເຈດີພຣະໂພທິຍານເຖນ
15.30 ໂມງ ເດີນທາງເຂົ້າຕົວເມືອງອຸບົນ ກາບໄຫວ້ສັກການະ ພຣະທາດເຈດີສີມະຫາໂພທິ໌ ເຊິ່ງໄດ້ຈຳລອງແບບມາຈາກເຈດີທີ່ພຸດທະຄະຍາ ທີ່ ວັດພຣະທາດໜອງບົວ ພ້ອມຊົມ ຕົ້ນທຽນພັນສາ ທີ່ໃຊ້ໃນຂະບວນປະເພນີແຫ່ທຽນພັນສາ ແຂວງອຸບົນລາດຊະທານີ ທີ່ທາງວັດໄດ້ເກັບໄວ້ໃຫ້ຜູ້ມາຢ້ຽມໄດ້ຊົມຄວາມງົດງາມ ຂອງຕົ້ນທຽນພັນສາແຂວງອຸບົນລາດຊະທານີນຳ
ຈາກນັ້ນເດີນທາງໄປຊື້ຂອງຝາກ ໝູຢໍ ໄສ້ກອກ ແໜມເນືອງ ແລະ ອື່ນໆ ທີ່ຮ້ານຂາຍຂອງຝາກ
ສົ່ງທ່ານທີ່ສະໜາມບິນນານາຊາດອຸບົນລາດຊະທານີ/ສະຖານີລົດໄຟ/ສະຖານີລົດໂດຍສານ ໂດຍສວັດດີພາບ