ລ່ອງເຮືອດິນເນີລຸ້ນແສງເໜືອ Aurora Dinner Cruise ເຮືອໄຮບຣິດໄຟຟ້າ Brim Explorer

ທຣິບລ່ອງເຮືອຍາມຄ່ຳຂອງຜູ້ໃຫ້ບໍລິການ Brim Explorer ອອກຈາກທ່າເຮືອຂ້າງຮ້ານ Skarven Kro ໃຈກາງທຣອມໂຊ (Tromsø) ເປີດຊ່ວງ ຕ.ຄ.-ເມ.ຍ. ແລ່ນໄປຕາມຟຢອດອ້ອມຕົວເມືອງດ້ວຍເຮືອໄຮບຣິດໄຟຟ້າ ເຊິ່ງຕາມປົກກະຕິໃຊ້ພະລັງງານໄຟຟ້າປະມານສາມໃນສີ່ຂອງເສັ້ນທາງ ຫ້ອງໂດຍສານອົບອຸ່ນມີແວ່ນກວ້າງໃຫ້ຊົມທິວທັດອາກຕິກຂະນະເຮືອແລ່ນຫ່າງອອກຈາກແສງໄຟຕົວເມືອງ

ລະຫວ່າງລ່ອງເຮືອຈະໄດ້ຮັບປະທານດິນເນີເຊັດ 3 ຄອຣ໌ສ ເລີ່ມຕົ້ນດ້ວຍປາເຮີຣິງໝັກ ຕາມດ້ວຍປາຄອດອາກຕິກກັບຜັກລະດູໜາວ ແລະ ປິດທ້າຍດ້ວຍພານາຄອດຕາແອັບເປິ້ນອົບເຊີຍ ມີເມນູມັງສະວິຣັດ ແລະ ເມນູເດັກນ້ອຍສຳລັບອາຍຸ 3-11 ປີ ແລະ ເມນູອາດມີການປ່ຽນແປງໄດ້ ໂຮສຕ໌ເທິງເຮືອຈະເລົ່າເລື່ອງເມືອງທຣອມໂຊ, ປະເພນີອາຫານຂອງນອກແວຕອນເໜືອ ແລະ ຄວາມສຳຄັນຂອງການປະມົງຕໍ່ພາກພື້ນ ຖ້າທ້ອງຟ້າເປີດກໍອາດໄດ້ເຫັນແສງເໜືອຈາກກາງຟຢອດ

ຖ້າຢາກອອກໄປຢືນເທິງດາດຟ້າເຮືອ ຄວນນຸ່ງເຄື່ອງກັນໜາວແບບອາກຕິກ ຕ້ອງແຈ້ງເລື່ອງອາຫານ ຫຼື ການແພ້ອາຫານລ່ວງໜ້າຢ່າງໜ້ອຍ 24 ຊົ່ວໂມງ ແລະ ຫ້າມນຳອາຫານ ຫຼື ເຄື່ອງດື່ມຂຶ້ນເຮືອ ເທິງເຮືອມີຫ້ອງນ້ຳ, Wi-Fi ຟຣີ ແລະ ເຄື່ອງດື່ມຂາຍ ແສງເໜືອເປັນປະກົດການທຳມະຊາດ ຂຶ້ນກັບສະພາບອາກາດ ບໍ່ມີໃຜຮັບປະກັນໄດ້ ທີມພວກເຮົາກວດເຊັກມື້ຫວ່າງ ແລະ ຈອງໃຫ້ໄດ້

ໄຮໄລຕ໌

• ເຮືອໄຮບຣິດໄຟຟ້າ ຫ້ອງໂດຍສານແວ່ນຮອບດ້ານ
• ດິນເນີ 3 ຄອຣ໌ສ ປາເຮີຣິງ ແລະ ປາຄອດອາກຕິກ
• ມີເມນູມັງສະວິຣັດ ແລະ ເມນູເດັກນ້ອຍ
• ອອກ 19:00 ໂມງ ຈາກທ່າເຮືອຂ້າງ Skarven Kro