ແຫຼ່ງຊ໊ອບປິ້ງ ຍ່ານເມືອງເກົ່າ ຕຶກບູຮານ ໃນປະເທດກຣີກ

ແຫຼ່ງຊ໊ອບປິ້ງ ຍ່ານເມືອງເກົ່າ ຕຶກບູຮານ ໃນປະເທດກຣີກ

ແຫຼ່ງຊ໊ອບປິ້ງ ຍ່ານເມືອງເກົ່າ ຍ່າງຊົມຕຶກບູຮານ ສຳຜັດວິຖີຊີວິດຂອງຄົນກຣີກ ພ້ອມເລືອກຊື້ຂອງທີ່ລະນຶກໄດ້ຢ່າງເຕັມອີ່ມໃຈ See You Again ລວບລວມມາໃຫ້ທ່ານແລ້ວທີ່ນີ້

1 ຍ່ານ Plaka

ຖ້າມາເອເທນແລ້ວບໍ່ໄດ້ມາ Plaka ຖືວ່າຜິດ ເພາະ Plaka ເປັນແຫຼ່ງລວມນັກທ່ອງທ່ຽວຈາກທົ່ວທຸກມຸມໂລກ Plaka ເປັນບ້ານນ້ອຍໆໃນເມືອງໃຫຍ່ ເປັນຍ່ານເກົ່າແກ່ ທີ່ມີຮ້ານອາຫານ ຄາເຟ່ ແລະ ຮ້ານຂາຍຂອງທີ່ລະນຶກຢູ່ເປັນແຖວໃຫ້ນັກທ່ອງທ່ຽວໄດ້ເລືອກສັນຢ່າງເພີດເພີນເລີຍ ແຖມຄາເຟ່ທີ່ນີ້ຍັງ So chill ສຸດໆ ໃຫ້ທ່ານໄດ້ຊຶມຊັບບັນຍາກາດເມືອງເອເທນຕັ້ງແຕ່ເຊົ້າຈົນຄ່ຳ Plaka ຕັ້ງຢູ່ກາງເມືອງເອເທນ ຕຳແໜ່ງທາງລຸ່ມຂອງ Acropolis ຫຼື ຈະຍ່າງພຽງ 600 ແມັດ ຈາກສະຖານີ Syntagma ກໍໄດ້ ບອກເລີຍວ່າຖ້າມາ Plaka ທ່ານຈະໄດ້ຮູບຫຼາຍ ເພາະມຸມໃດກໍຖືກຕົກແຕ່ງຢ່າງໜ້າຮັກ ບໍ່ວ່າຈະເປັນຮູບແຕ້ມ ຂອງທີ່ລະນຶກ ເຄື່ອງນຸ່ງຕ່າງໆ

2 ຍ່ານ Monastiraki

ຈາກຍ່ານ Plaka ຍ່າງຫຼິ້ນໄປເລື້ອຍໆຍັງບໍ່ທັນເມື່ອຍ ທ່ານກໍຈະພົບກັບຍ່ານ Monastiraki ເພາະຫ່າງກັນພຽງ 600 ແມັດ ຍ່ານ Monastiraki ຄືຕະຫຼາດຂອງມືສອງທີ່ຕັ້ງຢູ່ໃຈກາງຂອງເອເທນບູຮານ ຊ່ວງບ່າຍແລະຄ່ຳ ຈະມີວົງດົນຕີອອກມາສະແດງ ຜູ້ຄົນຈະອອກມາຍ່າງຫຼິ້ນ ແລະ ນັ່ງເບິ່ງໂຊວ໌ກັນຢ່າງຄຶກຄັກສະໜຸກສະໜານ ເຮັດໃຫ້ສະຖານທີ່ບູຮານແຫ່ງນີ້ເບິ່ງສົດໃສແລະມີຊີວິດຊີວາ ເໝາະແທ້ໆກັບການແວະພັກຜ່ອນຫຼັງຈາກຍ່າງມາຈາກ Plaka ແລະ Monastiraki ຍັງມີສິນຄ້າຫຼາຍຢ່າງບໍ່ແພ້ Plaka ເລີຍ ບໍ່ວ່າຈະເປັນ ງານຝີມືເຄື່ອງໜັງ ເຄື່ອງປະດັບ ແລະ ອື່ນໆ ທຣິກສຳຄັນ ຢ່າລືມຕໍ່ລາຄາ ເພາະພໍ່ຄ້າແມ່ຄ້າທີ່ນີ້ພ້ອມໃຫ້ເຮົາຕໍ່ລາຄາຢ່າງເຕັມທີ່

3 ຕະຫຼາດກາງເມືອງ Central Market

ໂອເຄ ຖ້າທ່ານເປັນຄົນກິນເຈ ຫຼື ນັກເຄື່ອນໄຫວສິດທິສັດ ທີ່ນີ້ອາດຈະບໍ່ແມ່ນສຳລັບທ່ານ ແຕ່ຖ້າທ່ານກຳລັງຊອກຫາປະສົບການທ້ອງຖິ່ນແທ້ໆຂອງກຣີກ ຈົ່ງມາທີ່ນີ້ເລີຍ ຕະຫຼອດເສັ້ນທາງຈະເຕັມໄປດ້ວຍໂຮງແຮມນ້ອຍໆ ແຕ່ຖ້າໃກ້ຮອດຕະຫຼາດທ່ານຈະເຫັນຮ້ານຂະໜົມ ຮ້ານຂາຍຊີດ ຮ້ານຂາຍອາຫານ ແລະ ຮ້ານອື່ນໆອີກຫຼາຍຢ່າງ ທັງສອງຝັ່ງກໍຄືຕະຫຼາດສົດນັ້ນເອງ ທີ່ນີ້ເໝາະຫຼາຍກັບການຮຽນຮູ້ຄວາມເປັນຢູ່ຂອງຄົນກຣີກແທ້ໆ ເປັນອີກທີ່ໜຶ່ງທີ່ບໍ່ຄວນພາດເລີຍ

4 ຍ່ານ Omonia

ຍ່ານ Omonia ຄືສູນກາງການຄົມມະນາຄົມຂອງເອເທນເລີຍກໍວ່າໄດ້ ບໍ່ວ່າຈະເປັນລົດເມ ລົດໄຟຟ້າ ທ່ານສາມາດຂຶ້ນໄດ້ທີ່ນີ້ ລວມເຖິງແທັກຊີ່ທີ່ໃຫ້ບໍລິການຕະຫຼອດຄືນ ຕີ 2 ຕີ 3 ທ່ານກໍຍັງສາມາດເອີ້ນແທັກຊີ່ໃຫ້ໄປສົ່ງໂຮງແຮມໄດ້ຈາກທີ່ນີ້ ທີ່ນີ້ເຕັມໄປດ້ວຍຫ້າງ ແລະ ຮ້ານອາຫານຫຼາຍແຫ່ງ ມີຕັ້ງແຕ່ຟາສຟູດ ຈົນເຖິງອາຫານຫຼູຫ້າດາວ ແລະ ຫ້າງ Hondus ຄວາມພິເສດຂອງສາຂານີ້ຄື ມີເຖິງ 10 ຊັ້ນ ຊັ້ນເທິງສຸດສາມາດເບິ່ງເຫັນ Acropolis ໄດ້ ຖ້າໃຜໄປທ່ຽວຍ່ານນີ້ຕ້ອງລະວັງເປັນພິເສດ ເພາະທັງຍ່ານຈະເຕັມໄປດ້ວຍຄົນທ້ອງຖິ່ນ ເຊິ່ງບໍ່ແມ່ນທຸກຄົນຈະຫວັງດີກັບເຮົາ ສະນັ້ນກະລຸນາລະວັງ

5 ຍ່ານ Syntagma

ຈັດຕຸລັດ Syntagma ຫຼື ຈັດຕຸລັດລັດຖະທຳມະນູນ ຈັດຕຸລັດແຫ່ງນີ້ສ້າງຂຶ້ນໃນສະໄໝບູຮານ ແລະ ຍັງມີຊິ້ນສ່ວນຂອງຊາກໃນອະດີດທີ່ສະທ້ອນໃຫ້ເຫັນເຖິງກິດຈະກຳທາງການເມືອງ ແລະ ສັງຄົມໃນນະຄອນເອເທນ ຈັດຕຸລັດນີ້ມີບໍ່ນ້ຳພຸຢູ່ກາງ ແລະ ຖືກລ້ອມຮອບດ້ວຍຕົ້ນໝາກກ້ຽງ ຈຶ່ງເຮັດໃຫ້ຊ່ວງໃບໄມ້ປ່ຽນສີມີກິ່ນຫອມຂອງໝາກກ້ຽງອອກມາຊັດເຈນເປັນພິເສດ ມັນເປັນປະສົບການທີ່ໜ້າລອງ ການໄດ້ຍ່າງຊົມຈັດຕຸລັດພ້ອມສູດດົມກິ່ນໝາກກ້ຽງໄປໃນເວລາດຽວກັນ ບໍລິເວນໃກ້ໆຈະມີຖະໜົນ Mitropoleos ເຕັມໄປດ້ວຍຮ້ານເຄື່ອງນຸ່ງ ເຄື່ອງປະດັບຫຼາຍແຫ່ງ