ຄ່າໂດຍສານປີ້ລົດໄຟໃຕ້ດິນ ໃນປະເທດກຣີ

ຄ່າໂດຍສານປີ້ລົດໄຟໃຕ້ດິນ ໃນປະເທດກຣີດ

ກຣີດເປັນປະເທດທີ່ນັກທ່ອງທ່ຽວໃຫ້ຄວາມສົນໃຈຫຼາຍ ເພາະບໍ່ໃຫຍ່ຫຼາຍ ແລະ ມີສະຖານທີ່ທ່ອງທ່ຽວງາມໆຫຼາຍແຫ່ງ ແລະ ເມືອງທີ່ນິຍົມທ່ຽວທີ່ສຸດກໍຄືນະຄອນຫຼວງ ນັ້ນກໍຄືເມືອງເອເທນນັ້ນເອງ ເອເທນມັກເປັນເມືອງທີ່ນັກທ່ອງທ່ຽວສ່ວນໃຫຍ່ໃຊ້ເປັນຈຸດເລີ່ມຕົ້ນຂອງທຣິບ ມື້ນີ້ See You Again ມີວິທີເດີນທາງທ່ອງທ່ຽວງ່າຍໆໃນເມືອງເອເທນ ມາແບ່ງປັນໃຫ້ໝູ່ເພື່ອນເດີ້ຄ່ະ

ການເດີນທາງທ່ອງທ່ຽວໃນເມືອງເອເທນງ່າຍຫຼາຍ ໂດຍລະບົບຂົນສົ່ງທີ່ເຮົາຈະມາແນະນຳມື້ນີ້ຄື ລົດໄຟໃຕ້ດິນ ເຊິ່ງເປັນທາງເລືອກໃນການເດີນທາງໃນເອເທນທີ່ສະດວກສະບາຍທີ່ສຸດ ລົດໄຟໃຕ້ດິນເປັນລະບົບຂົນສົ່ງມວນຊົນໃນປະເທດກຣີດທີ່ໃຫ້ບໍລິການໃນເຂດເມືອງເອເທນ ແລະ ເລີ່ມໃຫ້ບໍລິການໃນປີ 1869 ໂດຍເສັ້ນທາງລົດໄຟຟ້າໃຕ້ດິນມີທັງໝົດ 8 ສາຍ ດັ່ງນີ້ ສີຂຽວ Piraeus - Kifisia , ສີແດງ Anthoupoli - Elliniko , ສີຟ້າ Egaleo - Doukissis Plakentias/Airport , ສີສົ້ມ Petroupoli - Ethniki Odos , ສີນ້ຳເງິນ Fyli - Nea Elvetia , ສີບົວ Amalia Fleming - Vryoni/Perama , ສີເຫຼືອງ Chaidari - Poseidonos , ສີນ້ຳຕານ ແລ່ນເປັນວົງມົນ

ອັດຕາຄ່າໂດຍສານ

ຜູ້ໃຫຍ່ 1.20 ເອີໂຣ / ເທື່ອ

ປີ້ 1 ມື້ 4.00 ເອີໂຣ (ໃຊ້ຮ່ວມກັບລະບົບຂົນສົ່ງອື່ນໆໄດ້ທັງໝົດ)

ປີ້ 5 ມື້ 10.00 ເອີໂຣ (ໃຊ້ຮ່ວມກັບລະບົບຂົນສົ່ງອື່ນໆໄດ້ທັງໝົດ)

ແລະ ປີ້ ຈາກສະໜາມບິນ ຫຼື ໄປສະໜາມບິນ 5.00 ເອີໂຣ (ຕໍ່ເທື່ອ)