ແຈກຟຣີໂປຣແກຣມທ່ຽວອ້ອມເກາະ ຊານໂຕຣິນີ (Santorini) ສຳລັບສາຍຊິວ

ແຈກຟຣີໂປຣແກຣມທ່ຽວອ້ອມເກາະ ຊານໂຕຣິນີ (Santorini) ສຳລັບສາຍຊິວ

ຊານໂຕຣິນີ (Santorini) ຫຼື Thira ເປັນເກາະທີ່ຕັ້ງຢູ່ທາງໃຕ້ຂອງທະເລ (Aegean) ປະເທດກຣີສ (Greece) ເປັນສະຖານທີ່ສວຍງາມດັ່ງເມືອງໃນນິທານທີ່ຄືກັບວ່າຍັງມີເທບພະເຈົ້າອາໄສຢູ່ແທ້ໆ ເກາະຊານໂຕຣິນີມີຄວາມກວ້າງປະມານ 16 ກິໂລແມັດ ຢູ່ສູງກວ່າລະດັບນ້ຳທະເລ 567 ແມັດ ທີ່ນີ້ເຕັມໄປດ້ວຍສະຖາປັດຕະຍະກຳທີ່ເປັນເອກະລັກສະເພາະຂອງເກາະ ອາຄານເຮືອນຊານສ່ວນໃຫຍ່ ຖືກອອກແບບເປັນສີຟ້າ - ຂາວ ແລະ ເກາະຊານໂຕຣິນີແຫ່ງນີ້ຍັງເປັນສະຖານທີ່ໃນຝັນຂອງຄູ່ຮັກຫຼາຍຄູ່ ເພາະຈຸດທ່ອງທ່ຽວຕ່າງໆພາຍໃນເກາະມັນໂຣແມນຕິກແທ້ໆ

ແລະ ມື້ນີ້ SEE YOU AGAIN ຂໍມາຄືນຄວາມສຸກໃຫ້ທຸກຄົນໂດຍການແຈກໂປຣແກຣມທ່ອງທ່ຽວອ້ອມເກາະກຣີສ ແບບທ່ຽວອ້ອມເກາະໄດ້ພາຍໃນ 3 ມື້ ໝູ່ເພື່ອນຈະໄດ້ປະຢັດເວລາວາງແຜນທຣິບອີກໜ້ອຍ ແລະ ເອົາເວລາໄປຫາຊຸດທີ່ເໝາະກັບຊານໂຕຣິນີ ໄວ້ຖ່າຍລົງ Story Instagram ໃຫ້ສຸດປັງ ເອົາລະເດີ້ ແຜນຂອງເຮົາກໍມີງ່າຍໆດັ່ງນີ້ເລີຍ

• Day 1 Fira - Oia
• Day 2 Pyrgos
• Day 3 Santorini - Mykonos or Athens

ຂໍ້ມູນເພີ່ມເຕີມກ່ຽວກັບ ຊານໂຕຣິນີ

5 ຮ້ານອາຫານບັນຍາກາດສຸດອະເມຊິງໃນ Santorini

ການຂໍວີຊາໄປກຣີສ

ມີ 1,500 ນອນບ່ອນໃດໄດ້ແດ່ ທີ່ Santorini

ທ່ຽວຊານໂຕຣິນີຊ່ວງໃດດີ?

ຖ້າເວົ້າເຖິງອາກາດຂອງຊານໂຕຣິນີ ທຸກຄົນຄົງນຶກເຖິງລົມທະເລທີ່ເຮັດໃຫ້ຮູ້ສຶກເຄັ້ມຕົວ ແຕ່ຄວາມຈິງແລ້ວສະພາບອາກາດຂອງເກາະບໍ່ໄດ້ຕ່າງຈາກບ້ານເຮົາຫຼາຍປານໃດ ເປັນອາກາດທີ່ບໍ່ໜາວເກີນໄປ ແລະ ບໍ່ຮ້ອນເກີນໄປ ບວກກັບມີລົມເຢັນໆພັດຜ່ານຕະຫຼອດທັງມື້ ບໍ່ວ່າຈະເປັນໃນໜ້າຮ້ອນທີ່ເຮົາຈະໄດ້ບັນຍາກາດແບບເຂດຮ້ອນອຸ່ນໆ ແສງແດດບໍ່ແຮງຫຼາຍແບບໃນໜັງ mamma mia! ແລະ High Season ຈະຢູ່ປະມານເດືອນກໍລະກົດເຖິງເດືອນກັນຍາ ນັກທ່ອງທ່ຽວຈະຫຼາຍຫຼາຍໃນຊ່ວງນັ້ນ ຕາມເກາະຕ່າງໆຈະເຕັມໄປດ້ວຍຜູ້ຄົນ ຄຶກຄັກ ແລະ ຈະເປັນເວລາທີ່ຄ່າທີ່ພັກສູງທີ່ສຸດ ...ເອົາເປັນວ່າຢາກໄປແນວໃດ ກໍເລືອກກັນໄດ້ຕາມສະບາຍເລີຍ

ເອົາຫຼະ ໄປເລີ່ມທຣິບກັນເລີຍເດີ້

Day 1 Fira - Oia - Santorini

ມື້ນີ້ທ່ຽວເມືອງ Fira (Thera) ຂີ່ລາລົງໄປ Old port ເພື່ອຊົມຄວາມງາມດ້ານລຸ່ມທີ່ທ່າເຮືອ ເຊິ່ງເປັນທ່າເຮືອທີ່ມີເຮືອພາໄປທ່ຽວເກາະພູເຂົາໄຟ ແລະ ທ່ຽວເມືອງອີອາໄດ້ ຈາກນັ້ນຂຶ້ນ Santorini cable car ກັບຂຶ້ນມາທ່ຽວໃນຕົວເມືອງ Fira ທີ່ໜ້າຮັກ ຊົມໂບດປະຈຳເມືອງ ແລະ ຊົມວິວຕາມຫຼັກຜາ ເພື່ອນໆຈະໄດ້ເຫັນວິວເຮືອນຊານສີຂາວກະຈາຍຢູ່ທົ່ວເກາະ

ຊ່ວງບ່າຍໆ ທ່ຽວຊົມເມືອງອີອາ (Oia) ຊົມຄວາມງາມຂອງເຮືອນສີຂາວຕັດກັບສີຟ້າ ເຊິ່ງເປັນສັນຍາລັກຂອງການມາຢ້ຽມຢາມເກາະຊານໂຕຣິນີ ຍ່າງທ່ຽວຊົມຊອຍນ້ອຍໆໃນເຂດເມືອງອີອາ ຖ່າຍຮູບກັບກັງຫັນລົມ ແລະ ເຮືອນຊານ ຊື້ຂອງທີ່ລະນຶກ ຊົມ Oia Castle ຕອນແລງລໍຖ້າຊົມວິວຕາເວັນຕົກດິນ ເຊິ່ງເປັນຈຸດຊົມວິວສຳຄັນທີ່ທຸກຄົນຕ້ອງມາ

Day 2 Pyrgos

ມື້ນີ້ທ່ຽວເມືອງ Pyrgos ແລະ ສ່ວນທີ່ເຫຼືອຂອງເກາະຊານໂຕຣິນີ ເລີ່ມຈາກສ່ວນທີ່ໄກທີ່ສຸດທາງໃຕ້ຂອງເກາະ ຖ່າຍຮູບກັບປະພາຄານ Faros ຊົມຫາດຊາຍຂາວ (White Beach), ຫາດຊາຍແດງ (Red Beach) ທີ່ມີຫຼັກຜາແດງໆ ແລະ ຫີນແດງໆຢູ່ຕາມຝັ່ງທະເລ ຢ້ຽມຊົມຊາກເມືອງບູຮານ Akrotiri Archaeological Site ຈາກນັ້ນຊົມຫາດຊາຍສີດຳ (Black Beach) ເຊິ່ງຢູ່ທາງທິດຕາເວັນອອກສ່ຽງໃຕ້ຂອງເກາະ ຂຶ້ນຊົມຈຸດຊົມວິວສູງສຸດເທິງເກາະ Moni Profiti Ilia ເຊິ່ງຈາກຈຸດນີ້ສາມາດເບິ່ງເຫັນທະເລໄດ້ທັງສອງຝັ່ງຂອງເກາະ ແລະ ເຫັນເມືອງ Fira ໄດ້ທັງເມືອງ
ຊ່ວງບ່າຍໆ ເດີນທາງໄປຊົມ Ancient Thira ແລະ ແວະທ່ຽວເມືອງ Pyrgos

ຫາກມີເວລາເຫຼືອ ເພື່ອນໆສາມາດຊື້ໂປຣແກຣມລ່ອງເຮືອ Catamaran ຊົມທະເລ Aegean ໄປເກາະພູເຂົາໄຟ ແລະ ແຊ່ບໍ່ນ້ຳໄດ້ອີກດ້ວຍ

Day 3 ໝູ່ບ້ານ Imerovigli - Skaros- Mykonos or Athens

ເລີ່ມຕົ້ນມື້ທີ່ ໝູ່ບ້ານ Imerovigli ເປັນອີກໜຶ່ງໝູ່ບ້ານທີ່ມີສະເໜ່ຫຼາຍໆ ເທິງເກາະຊານໂຕຣິນີ ເປັນໝູ່ບ້ານທີ່ງຽບສະຫງົບ ຜູ້ຄົນບໍ່ແອອັດ ໝູ່ບ້ານນີ້ເຕັມໄປດ້ວຍໂຮງແຮມ ແລະ ລີສອດເປັນສ່ວນໃຫຍ່ ວິວໂດຍລວມຈະຄ້າຍກັບເມືອງອີອາ (Oia) ແຕ່ທີ່ແຕກຕ່າງຄື ວິວທະເລທີ່ນີ້ງາມກວ່າເມືອງອີອາ ແລະ ໂຊນນີ້ກໍເໝາະກັບການພັກຜ່ອນຫຼາຍໆ ຍ່າງຫຼິ້ນຊົມຄວາມໂຣແມນຕິກຈົນອີ່ມແລ້ວກໍຢ່າລືມ ຂຶ້ນໄປຍັງຈຸດຊົມວິວຊື່ດັງ Skaros Rock ເພື່ອນໆຈະພົບກັບວິວທີ່ສຸດຈະບັນຍາຍ

ຊ່ວງບ່າຍ ເພື່ອນໆກໍເດີນທາງໄປຍັງທ່າເຮືອ ເພື່ອເດີນທາງກັບ Athens ຫຼື ຈະໄປສຳຫຼວດເກາະໃກ້ຄຽງຕໍ່ທີ່ເກາະ Mykonos ກໍແລ້ວແຕ່ເພື່ອນໆຈະສະດວກເລີຍ

ເພື່ອນໆສາມາດເອົາໄປປັບໃຫ້ເຂົ້າກັບແພລນຂອງເພື່ອນໆໄດ້ຕາມໃຈມັກເລີຍເດີ້ ຮັບຮອງວ່າຖ້າທ່ຽວຕາມ See You Again ບໍ່ຜິດຫວັງແນ່ນອນ ແລະ ສຳລັບເພື່ອນໆຄົນທີ່ສົນໃຈຈະທ່ອງທ່ຽວຊານໂຕຣິນີ ຫຼື ປະເທດກຣີສ ບໍລິສັດຂອງພວກເຮົາມີທັງບໍລິການນຳທ່ຽວ ເຊົ່າລົດ ຈອງປີ້ ຄອຍອຳນວຍຄວາມສະດວກໃນທຸກຮູບແບບຂອງການທ່ອງທ່ຽວ