ມາຮູ້ຈັກເມືອງ Chania (ຊານີອາ) ປະເທດເກຣັກ

ມາຮູ້ຈັກກັບເມືອງ Chania (ຊາເນຍ) ປະເທດກຣີກ ກັນເທາະ

ມື້ນີ້ See You Again ມີເມືອງທີ່ຫຼາຍຄົນອາດບໍ່ຄ່ອຍຄຸ້ນຫູປານໃດ ເວລາເວົ້າເຖິງປະເທດກຣີກ ແລະ ຂໍບອກເລີຍວ່າ ເມືອງນີ້ເປັນເມືອງລັບທີ່ມີສະເໜ່ ເຮັດໃຫ້ນັກທ່ອງທ່ຽວຫຼົງໄຫຼຫຼາຍ ເຮົາໄປຮູ້ຈັກ ເມືອງ Chania ທີ່ຕັ້ງຢູ່ເທິງເກາະ Crete (ຄຣີດ ຫຼື ຄຣີຕີ) ກັນເລີຍດີກວ່າ

ເມືອງ Chania ຕັ້ງຢູ່ເທິງເກາະ Crete (ຄຣີດ ຫຼື ຄຣີຕີ) ເຊິ່ງເປັນເກາະທີ່ໃຫຍ່ທີ່ສຸດໃນໝູ່ເກາະກຣີກ ແລະ ເປັນເກາະໃຫຍ່ອັນດັບທີຫ້າໃນບັນດາເກາະໃນທະເລເມດິເຕີເຣເນຍນ ໝູ່ເພື່ອນສາມາດເດີນທາງມາເກາະນີ້ໄດ້ທັງທາງເຮືອ ແລະ ເຮືອບິນ ໂດຍລົງທີ່ Chania International Airport ແລ້ວໃຊ້ເວລາເດີນທາງເຂົ້າເມືອງພຽງ 25 ນາທີ ຫຼື ເປັນໄລຍະທາງທັງໝົດ 14 ກມ. ເທົ່ານັ້ນ Chania ເປັນເມືອງທີ່ໜ້າຮັກຫຼາຍເມືອງໜຶ່ງ ມີຄົບທຸກຢ່າງ ບໍ່ວ່າຈະເປັນສະຖານທີ່ທ່ອງທ່ຽວສຸດໂລແມນຕິກ ທີ່ພັກທີ່ອົບອຸ່ນ ແລະ ສຳຄັນ ການຫາອາຫານແຊບ ຫຼື ອາຫານພື້ນເມືອງບໍ່ແມ່ນເລື່ອງຍາກໃນເມືອງ Chania ເລີຍ ຖ້າຢູ່ໃນເມືອງ ຍ່າງພຽງ 5 ນາທີ ກໍຈະພົບກັບປະພາຄານ ຮ້ານອາຫານ ແລະ ສະຖານີຂົນສົ່ງຕ່າງໆ

ຮ້ານຄ້າ ແລະ ຮ້ານອາຫານຂອງເມືອງນີ້ ຈະບໍ່ຕິດກັນຫຼາຍ ແຕ່ຈະແຊກຢູ່ຕາມຊອກຊອຍ ລວມເຖິງທີ່ພັກນ້ອຍໆອີກດ້ວຍ ເຊິ່ງບອກໄດ້ເລີຍວ່າໝູ່ເພື່ອນຈະໄດ້ເຫັນວິຖີຊີວິດຂອງຄົນທ້ອງຖິ່ນ ແລະ ໄດ້ສຳຜັດກັບຄວາມອົບອຸ່ນຂອງຊາວເມືອງ Cretan ຢ່າງແທ້ຈິງ ລັກສະນະຂອງເມືອງ Chania ເປັນເມືອງເກົ່າ ຫຼື Old Town ແລະ ເມືອງ Chania ຍັງເຄີຍເປັນນະຄອນຫຼວງເກົ່າຂອງເກາະມາຕັ້ງແຕ່ ຄ.ສ. 1898 ດ້ວຍເຫດຜົນນີ້ ເມືອງ Chania ຈຶ່ງໄດ້ຮັບການບຳລຸງຮັກສາເປັນຢ່າງດີ ເຮັດໃຫ້ນັກທ່ອງທ່ຽວຫຼາຍຄົນຕົກຫຼຸມຮັກເມືອງນີ້ ແລະ ມາຢ້ຽມຢາມເມືອງນີ້ຢູ່ສະເໝີ

Chania ມີສະໜາມບິນສາກົນທີ່ມີຖ້ຽວບິນໃຫ້ບໍລິການໝູ່ເພື່ອນຕະຫຼອດທັງປີ ແລະ ຖ້າໝູ່ເພື່ອນຈະເຂົ້າເມືອງ ບອກເລີຍວ່າລົດເມບໍ່ແມ່ນທາງເລືອກທີ່ຕອບໂຈດ ໝູ່ເພື່ອນຄວນໃຊ້ບໍລິການແທັກຊີຈະເໝາະກວ່າ ເພາະລົດເມທີ່ໃຫ້ບໍລິການຮັບສົ່ງຈາກສະໜາມບິນເຂົ້າເມືອງ ມີຖ້ຽວໜ້ອຍຫຼາຍ ຕ້ອງກວດເບິ່ງຕາຕະລາງເດີນລົດເມໃຫ້ດີ ຖ້າຈະເລືອກໃຊ້ບໍລິການ ແລະ ອີກວິທີເດີນທາງໜຶ່ງທີ່ໜ້າສົນໃຈ ເມື່ອໝູ່ເພື່ອນຕ້ອງການໄປທ່ຽວເມືອງ Chania ເກາະ Crete ກໍຄືການເດີນທາງດ້ວຍເຮືອເຟີຣີທີ່ແລ່ນໄປ ແລະ ກັບຈາກເອເທນ (Pireas) ທຸກມື້ ແລ້ວຈະເທິຍທ່າທີ່ທ່າ Souda ເຊິ່ງບໍ່ຫ່າງຈາກ Chania ປານໃດ ໝູ່ເພື່ອນສາມາດວາງແຜນລ່ວງໜ້າເພື່ອຄວາມຊັວ ໂດຍຈອງປີ້ລ່ວງໜ້າກ່ອນ ເຊິ່ງສາມາດຈອງຜ່ານເວັບນີ້ໄດ້ເລີຍwebsite

ສະຖານທີ່ທ່ອງທ່ຽວອື່ນໆໃນເມືອງ Chania

• ເມືອງເກົ່າ ຫຼື Old Town
• ຖະໜົນ Skrydlof
• ພິພິທະພັນ Archaeological Museum of Chania
• ຕະຫຼາດ Municipal Market of Chania
• ອ້ອມແອ້ມອ່າວເຮືອເກົ່າ Old Harbour
• ພິພິທະພັນ Nautical Museum of Crete
• ປ້ອມ Forteresse Firka
• ມັດສະຢິດ Mosque of the Janissaries
• ຖະໜົນ Theotokopoulou
• ຕະຫຼາດກາງເມືອງ Central Market Square
• ຫາດຊາຍ Nea Chora Beach
• ວະນອຸທະຍານ Samaria Gorge
• ຫາດຊາຍ Kladissos beach